Mańǵystaý oblysy Munaıly aýdany Atameken aýyldyq okrýgindegi et fabrıkasy jylyna 250 tonna jartylaı et (farsh) jáne shujyq ónimi shyǵarylady, dep habarlaıdy Egemen.kz mangystaumedia.kz saıtyna silteme jasap.
Fabrıkanyń ashylǵanyna 20 jyldan asty. Onyń negizin qalaýshy jeke kásipker Igor Pozdnıakov 144 turǵyndy turaqty jumyspen qamtyp otyr. Onyń ishinde áleýmettik osal toptaǵy adamdar da bar. Daıyn ónim tek Mańǵystaý oblysynyń ǵana emes basqa da óńir turǵyndarynyń qajettiligin qamtamasyz etip otyr.
Aıta keteıik, sońǵy jyldary otandyq ónimge kórshi elderden de suranys bar, delingen aýdan ákimdiginiń baspasóz qyzmeti taratqan aqparatta.
«Kezinde óz qarajatymyzben jartylaı et jáne shujyq ónimderi halyqqa qoljetimdi baǵada satylýy úshin ashtyq. Shıkizatty Qostanaı oblysynan aldyramyz», -dedi kásipker Igor Pozdnıakov.