Depýtattar búgin Áleýmettik-mádenı damý jáne ǵylym komıtetiniń keńeıtilgen otyrysynda ǵylym máseleleri boıynsha zańnamaǵa engizilgen túzetýlerdi talqylady. Otyrysqa senator Narıman Tóreǵalıev tóraǵalyq etti, dep habarlaıdy Egemen.kz.
Ǵylymdy, ǵylymı-tehnıkalyq salany jetildirýge jáne onyń nátıjelerin kommersııalandyrýǵa baǵyttalǵan «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly» Zań jobasy Parlament depýtattarynyń bastamasymen ázirlengen bolatyn.
Usynylyp otyrǵan ınnovasııalar ǵylymı zertteýlerdi respýblıkalyq bıýdjetten qarjylandyrýǵa múmkindik beredi. Bul qoldanbaly ǵylymı jańalyqtardyń sanyn kóbeıtýge, sondaı-aq el ekonomıkasyn damytýǵa ǵylymnyń qosatyn úlesin arttyrýǵa kómektesetin bolady.
О́zgerister eńbek qatynastaryna da áser etedi. Eńbek kodeksine engiziletin ózgeristerge sáıkes memlekettik bilim berý uıymynyń birinshi basshysy men oqytýshysyna memlekettik qyzmetke kirý jáne bos memlekettik qyzmetshi laýazymyna konkýrs ótkizý tártibi qoldanylmaıtyn boldy.
Komıtettiń keńeıtilgen otyrysyna qatysýshylar Zań jobasy qabyldanǵanda ǵylym salasynda memlekettik retteý jetildiriledi jáne osy salanyń básekege qabilettiligin arttyrýǵa yqpal etedi degen ortaq pikirge keldi.
Qujat Palatanyń qaraýyna jiberildi.