О́tken jyly aýyl sharýashylyǵynyń ımporttyq ónimderin almastyrý jospary boıynsha Qazaqstanda 48 taýarly sút fermasy, 3 et kombınaty, et baǵytyndaǵy 8 qus fabrıkasy, balyq óndiretin 3 ferma iske qosyldy jáne 1800 gektar jerge qarqyndy alma baqtary otyrǵyzyldy.
«Koronavırýs pandemııasy jaǵdaıynda búkil álem elderinde aýyl sharýashylyǵynyń azyq-túlik qaýipsizdigin qamtamasyz etýdegi róliniń artqanyn baıqap otyrmyz. Sondyqtan, Qazaqstan úshin ımportty almastyrý basymdyqqa ıe úlken másele. Ishki naryqty áleýmettik mańyzy bar azyq-túlik taýarlarymen tolyqtyrý jónindegi mindet aıasynda biz ishki naryqta ımportty qysqartý qajet pozısııalardy aıqyndadyq. Bul – qus eti, shujyq ónimderi, irimshik jáne súzbe, alma, qant jáne balyq ónimderi», dedi vedomstvo ókili.
Atalǵan ónimderdiń óndirisin ulǵaıtý úshin Mınıstrlik azyq-túlik qaýipsizdigi saıasatyna sáıkes keletin ınvestısııalyq jobalardy qoldaýǵa basa nazar aýdarady. Basymdyqqa ıe ónim óndirisin damytýǵa tilek bildirýshiler jeńildetilgen nesıemen jáne sýbsıdııamen, sondaı-aq basqa da tıimdi qoldaý sharalarymen qamtamasyz etiledi.
«О́tken jyly aýyl sharýashylyǵynyń ımporttyq ónimderin almastyrý jospary boıynsha Qazaqstanda 48 taýarly sút fermasy, 3 et kombınaty, et baǵytyndaǵy 8 qus fabrıkasy, balyq óndiretin 3 ferma iske qosyldy jáne 1800 gektar jerge qarqyndy alma baqtary otyrǵyzyldy.
2024 jylǵa deıin Jambyl oblysynda 19 et óndiretin qus fabrıkasyn, 9 et óńdeý kásipornyn, 8 taýarly balyq ósirý jobasyn, sondaı-aq jańa qant zaýytyn iske qosý josparlanýda. Bulardan bólek, jyl saıyn 35 ónerkásiptik taýarly sút fermasy iske qosylyp, 2 myń qarqyndy baq salynady», dedi S.Moldabaeva.
Onyń aıtýynsha, mınıstrlik júrgizip jatqan jumys 2023 jyldyń sońyna qaraı ımportqa táýeldilik máselelerin sheshýge jáne eldiń azyq-túlik táýelsizdigin qamtamasyz etýge múmkindik beredi.