Frıstaıldan Almatyda ótip jatqan álem chempıonatynda paralleldi mogýldan jartylaı fınalǵa shyqqan sportshylar anyqtaldy, dep habarlaıdy Egemen.kz Olympic.kz saıtyna silteme jasap.
Áıelder arasyndaǵy synda 15 jastaǵy qazaqstandyq sportshy Anastasııa Gorodko jartylaı fınalǵa joldama aldy. Shırek fınalda Gorodko japonııalyq sportshymen jarysqan bolatyn. Nátıjesinde, qarsylasy jarys jolynan shyǵyp, Anastasııa óziniń sekirý elementterin sátti oryndady.
Osylaısha, Gorodko jartylaı fınalda Qazaqstan atynan jalǵyz ózi baq synaıdy. Onyń kezekti qarsylasy - reseılik Anastasııa Smırnova. Al Dmıtrıı Reıherd shırek fınalda kanadalyq Mıkael Kıngberımen synǵa túsip, qarsylasyna upaı sany boıynsha ese jiberdi.