QR Prezıdenti Ákimshiliginiń kelisimimen jáne ákimniń ókimimen Baqytjan Haberuly Narymbetov BQO ákiminiń orynbasary bolyp taǵaıyndaldy, dep habarlaıdy Egemen.kz oblys ákiminiń baspasóz qyzmetine silteme jasap.
Baqytjan Narymbetov 1986 jyly dúnıege kelgen. Bilimi joǵary. 2007 jyly Ál-Farabı atyndaǵy Qazaq ulttyq ýnıversıtetin, 2012 jyly QR Prezıdenti janyndaǵy Memlekettik basqarý akademııasyn támamdaǵan.
Ár jyldary Oral qalasy ákimi apparaty aqparattyq taldaý jumystary jáne halyqaralyq yntymaqtastyq bóliminiń bas ınspektory, osy bólimniń basshysy, Oral qalalyq ishki saıasat bóliminiń basshysy, BQO ákimi apparaty uıymdastyrý-ınspektorlyq jumystar bóliminiń bas ınspektory, BQO ákimi apparaty strategııalyq damý bóliminiń basshysy, BQO ishki saıasat basqarmasynyń basshysy, QR Qoǵamdyq damý mınıstrligi Azamattyq qoǵam isteri komıteti tóraǵasynyń orynbasary boldy.
2019 jyldyń qańtarynan beri Oral qalasy ákiminiń orynbasary qyzmetin atqardy.