Ulybrıtanııada ǵylymı maqsatta adamdarǵa COVID-19 juqtyrý bastaldy. Vırýstyń adam aǵzasyna áserin zertteýge arnalǵan medısınalyq zertteýdi ulybrıtanııanyń densaýlyq saqtaý mınıstrligi uıymdastyrdy, dep habarlaıdy Egemen.kz
Mınıstrlik baspasóz qyzmetiniń málimetinshe, elde koronavırýsqa qarsy vaksınany tez ázirlep, aýrýdyń bul túrin emdeý joldary qarastyrylady. Eriktilerdiń birinshi tobymen Royal Free Hospital aýrýhanasynyń mamandary jumys istep jatyr. Olar koronavırýs sıpattamalaryn zertteýmen aınalysady.
«Zertteý qatysýshylaryna qaýipsiz jáne baqylaýdaǵy ortada vırýs juqtyrdyq. Olar táýlik boıy dárigerlerdiń baqylaýynda» delingen habarlamada.Odan bólek, ǵalymdar SARS-CoV-2-ge adamnyń ımmýndyq júıesi áseri qandaı bolaryn jáne ınfeksııa juqtyrǵan adam vırýs bólshekterin qalaı taratatynyn zerttemek. Buǵan deıin dál osyndaı zertteý jumystary tumaý men bezgek aýrýlaryna qarsy vaksına daıyndaý kezinde jasalǵan. Sońǵy zertteýge jas ári densaýlyǵy jaqsy adamdar tańdalǵan. Olarǵa vırýstyń az ǵana dozasyn salady. Zertteýge jalpy 90 adam qatysady dep josparlanǵan.