Almatyda Rysqulov dańǵyly men Shemıakın kóshesiniń qıylysynda kópirden sekirmekshi bolǵan er adam qutqaryldy, dep habarlaıdy Egemen.kz.
Keleńsiz jaǵdaı Rysqulov dańǵyly men Shemıakın kóshesiniń qıylysynda bolǵan. Qalalyq polısııa departamentiniń baspasóz qyzmetiniń málimetinshe, eshkim japa shekpegen.
«Atalǵan keleńsiz jaǵdaıǵa ýaqytyly tosqaýyl qoıyldy. Alǵashqy bolyp Jetisý aýdandyq polısııa basqarmasynyń polısııa psıhology dabyl qaqty. Ol jaqyn jerden ótip bara jatyp, polısııanyń barlyq kúshterin: jaqyn jerdegi patrýldik polısııanyń ekıpajdary men ýchaskelik ınspektorlardy tarta bildi. Keıinirek belgili bolǵandaı, esirtkige mas bolǵan adam, jaıaý júrginshiler kópiriniń ústinen túsirildi. Onymen profılaktıkalyq áńgime júrgizildi», dedi Almaty polısııa departamentiniń resmı ókili Saltanat Ázirbek.
Er adamnyń jeke basyn anyqtaý úshin jáne odan ári medısınalyq tekserýden ótkizý úshin ol Jetisý aýdanynyń polısııa basqarmasyna jetkizildi.