Memleket basshysy halyqaralyq qatynastar salasyndaǵy belgili amerıkandyq sarapshy, Stenford ýnıversıtetiniń professory Frensıs Fýkýıamamen beıne baılanys arqyly kezdesý ótkizdi, dep habarlaıdy Egemen.kz.
Taraptar álemdik damýdyń zamanaýı úrdisterin jáne koronavırýstan keıingi kezeńde geosaıasat tártibin jańǵyrtýdyń keleshegin talqylady.
Sondaı-aq COVID-19 pandemııasynan jınaqtalǵan tájirıbeni eskere otyryp, álemdik ekonomıkanyń tehnologııalyq tártibin ózgertýdiń negizgi faktorlary jáne halyqaralyq baılanystardyń ózgerýin ózektendirý máseleleri talqylandy.
Prezıdent amerıkalyq ǵalymǵa Qazaqstanda júrgizilip jatqan reformalar, elimizdiń syrtqy saıasattaǵy negizgi basymdyqtary, sonyń ishinde, Ortalyq Azııa aımaǵyna qatysty ustanymdary týraly aıtty.
Qasym-Jomart Toqaev áńgimelesý sońynda epıdemıologııalyq jaǵdaı jaqsarǵannan keıin Frensıs Fýkýıamany Qazaqstanǵa kelýge shaqyrdy. Professor óz kezeginde Memleket basshysyna kezdesý úshin alǵys bildirip, bolashaqta halyqaralyq saıasattyń ózekti máseleleri boıynsha ózara tabysty yntymaqtastyq ornatatynyna senim bildirdi.
Aıta keteıik, Frensıs Fýkýıama – polıtologııanyń qurmetti professory, Mosbaher ınstıtýtynyń Demokratııa, damý jáne quqyq ústemdigi máseleleri ortalyǵynyń dırektory, Stenford ýnıversıtetiniń F.Spolı atyndaǵy Halyqaralyq zertteýler ınstıtýtynyń aǵa ǵylymı qyzmetkeri. Birqatar irgeli zertteý jumystary toptamasynyń jáne álemniń jetekshi basylymdarynda jarııalanǵan ǵylymı maqalalardyń avtory. Sondaı-aq bedeldi Foreign Policy jýrnaly ony birneshe ret Álemniń úzdik 100 oıshylynyń tizimine engizgen.