Qaraǵandy qalasynda kópqabatty úı órtenip, 1 adam qaıtys boldy. Mamandar 19 adamdy evakýasııalady, dep habarlaıdy Egemen.kz
Qalada Kúzembaev kóshesindegi 5 qabatty turǵyn úıde órt shyqqany týraly habarlama búgin túngi saǵat 03:26-da túsken.
О́rt ornyna jetken órt sóndirý bólimsheleri kireberistegi qatty tútindi baıqaǵan. Gaz-tútinnen qorǵaý qyzmetiniń eki toby barlaýǵa, podezd turǵyndaryn qutqarýǵa jáne evakýasııalaýǵa baǵyttaldy.
«Qatty tútinniń saldarynan 4-shi qabatta ornalasqan páterden óz betinshe evakýasııalanýǵa tyrysqan anasy men balasy tabyldy. 1946 jyly týǵan áıel ýly gazdan ýlanyp, jedel járdem kóliginde kóz jumdy», dep málim etti Qaraǵandy oblystyq Tótenshe jaǵdaılar departamentiniń ókili.
О́rt sóndirýshi-qutqarýshylar avtosatynyń kómegimen osy kireberistiń páterlerinen 4 adam, onyń ishinde 3 balany qutqardy. Sondaı-aq baspaldaq marshy boıynsha 15 adam, onyń ishinde 4 bala evakýasııalandy. Besinshi qabattaǵy páterden eki adam aýrýhanaǵa jatqyzyldy – ana men bala ıis tıip ýlanǵan. Jalyn 1-shi qabattaǵy baspaldaqtyń astynda ornalasqan aǵash qoımadan shyqqan. О́rt sóndirýshiler janyp jatqan qoımadan syıymdylyǵy 27 lıtr bos gaz ballonyn alyp shyqty. О́rttiń jalpy aýdany 3 sharshy metrdi qurady.
Oqıǵa ornyna Qaraǵandy oblysy TJD-niń 12 adamy men 3 tehnıkasy jumyldyryldy. Qabyldanǵan jedel sharalardyń arqasynda órt saǵat 03:49-da sóndirildi. Aldyn ala boljam boıynsha órttiń sebebi ashyq ot kózi boldy.