11 naýryzda aýyr atletıkadan Qazaqstan chempıonaty bastalady. El birinshiligi onlaın formatta ótedi, dep habarlaıdy Egemen.kz Olympic.kz saıtyna silteme jasap.
Aldyn ala málimet boıynsha, ulttyq birinshilikke elimizdiń barlyq aımaǵynan 300-den asa sportshy qatysady dep kútilýde.
«Bıylǵy qańtardan bastap aldaǵy Azııa chempıonatyna qarqyndy daıyndalyp jatyrmyz. Búginde bapkerler qurlyq dodasyna qatysatyn 17 aýyr atletti tańdap aldy. Onyń ishinde jeti áıel, on er adam bar. Qatysýshylar esimin el chempıonaty aıaqtalǵan soń jarııalaımyz. Bul joly da biz jarysty úırenshikti onlaın formatta ótkizemiz. Bizdiń sportymyz úshin bul nusqa yńǵaıly. Jarystyń ótý barysyna aıtarlyqtaı kedergi keltirmeıdi. Ekinshi jaǵyna, Azııa chempıonaty qarsańynda sportshylardyń vırýs juqtyryp alý qaýpiniń aldyn alady», deıdi bas bapker.
Aıta keteıik, týrnır 17 naýryzǵa deıin jalǵasady.