Tutynýshylardyń quqyǵyn qorǵaýǵa baǵyttaldy

Osy kelisimniń negizinde tutynýshylardyń quqyqtaryn qorǵaý júıesin jetildirýge, sondaı-aq Úkimettiń jol kartasynda kózdelgen is-sharalardy birlesip iske asyrýǵa basymdyq beriledi. Buǵan qosa IX Azamattyq forýmda qoǵamdyq birlestikter aıtqan usynystar da nazarǵa alynyp otyr.

Byltyr quzyrly organ tutynýshylardyń quqyǵyn qor­ǵaıtyn 55 qoǵamdyq bir­les­tiktiń qatysýymen birneshe on­laın kezdesý (jumys toptary, konferensııa) ótkizgen edi. Atalǵan basqosýlarda Mınıs­trliktiń tarapynan biryńǵaı ulttyq tutynýshylar qaýym­dastyǵyn qurýdyń ózekti­ligi jaıly, qoǵamdyq uıym­dardyń quramyna kirýdiń mańyzdylyǵy týraly, sondaı-aq tutynýshylardyń quqyqtaryn qorǵaý jónindegi ombýdsmen ınstıtýtyn engizý qajettiligi syndy bastamalar jóninde túsindirildi. Demek, ulttyq qaýymdastyqtyń qurylýymen elimizdiń barlyq óńirinde onyń fılıaldary ashylyp, odaqtardy qaıta formattaý «sannan sapaǵa» uranymen ótpek. Bul kásibı uıymdar qatarynan qalyptasatyn birlestikter qyz­metindegi tar beıindi baǵyt­tardy damytýǵa basymdyq beriletinin ańǵartady.

Vedomstvonyń málimetine súıensek, eń belsendi degen 30 qoǵamdyq birlestik mınıs­tr­lik bastamalaryn qoldap otyr. Qoǵamdyq uıym ókil­de­ri Tutynýshylardyń ult­tyq qaýymdastyǵy «Qazaqstan tuty­ný­shylarynyń res­pýb­lı­kalyq qaýymdastyǵy» ZTB bazasynda qurylsa degen usy­nystaryn jetkizipti. Sebebi onyń qura­myna qarjy, bilim berý, TKSh, týrıstik jáne me­dısına salasynda tutynýshy­lar­dyń qu­qyqtaryn qorǵaýǵa maman­danǵan qoǵamdyq birles­tikter kiredi.

Joǵarydaǵy usynystardy eskerip, mınıstrlik «Qazaq­stan tutynýshylarynyń respýb­lı­kalyq qaýymdastyǵy» ZTB-men yntymaqtastyq týraly memo­randýmǵa otyrýdy­ qup kórgen. Osylaısha, múddeli tarap­­tar atalǵan qujat úkimet­tik emes uıymdarǵa teń múmkin­dik­­terdi qamtamasyz etetinine jáne tutynýshylardyń quqy­ǵyn qorǵaý máselesinde memle­ket­tiń qatysýyn barynsha azaıtatynyna senimdi.