Túrkistan oblysynda jumyssyzdyq deńgeıi artqan. Osyǵan baılanysty qazir aımaqta kedeıshilik jaǵdaıy nasharlaı túsken, dep habarlaıdy Egemen.kz
Túrkistan oblysynyń árbir onynshy turǵyny kedeılik sheginen tómen ómir súredi — bul shamamen 230 myń adam, deıdi sarapshylar.
2021 jyldyń aqpan aıynda oblys ákimi О́mirzaq Shókeev ótken jyly oblysta halyqtyń ómir súrý sapasyn jaqsartý, óńirdiń áleýmettik-ekonomıkalyq damýy boıynsha úlken jumys atqarylǵanyn atap ótken edi. Alaıda bul rette qabyldanǵan sharalardan nátıje joq.
Budan basqa, eger eldiń barlyq óńirinde jumyssyzdyq deńgeıi ózgerissiz qalsa nemese tómendese, Túrkistan oblysynda kórsetkish toqsan ishinde artyp, 5,3%-dy qurady. Bul respýblıka boıynsha eń tómengi kórsetkish.
Zertteýlerge sáıkes, oblystaǵy kedeılik deńgeıi de el boıynsha kósh bastap tur.
Máselen, tabysy eń tómengi kúnkóris deńgeıinen tómen halyqtyń úlesi óńirde 11,2% - dy qurady. Bul QR boıynsha ortasha kórsetkishten (5,7%) 2 esege artyq.