Jyl basynan beri Aýyl sharýashylyǵy mınıstrligi QHR-na ónim eksporttaýǵa quqyǵy bar kásiporyndardyń reestrine taǵy 200-ge jýyq Agroónerkásip kesheni ónimin óndirýshilerdi engizdi. Qazirgi ýaqytta tizimge Qazaqstannyń 741 kásiporny tirkeldi, dep habarlaıdy Egemen.kz mınıstrliktiń baspasóz qyzmetine silteme jasap.
2019 jyly QHR-na Qazaqstannyń aýyl sharýashylyǵy óniminiń eksportyn arttyrý úshin Aýyl sharýashylyǵy mınıstrligi men Qytaıdyń Bas keden basqarmasy ósimdikter karantıni salasyndaǵy ózara túsinistik pen yntymaqtastyq týraly Memorandýmǵa qol qoıǵan bolatyn. Osynyń negizinde 10-ǵa jýyq fıtosanıtarııalyq talaptyń hattamasyna qol qoıyldy.
Qytaıdyń Bas keden basqarmasymen jemisti yntymaqtastyq jumystardyń nátıjesinde Qazaqstannyń 741 kásiporny Qytaıǵa agroónerkásip kesheni ónimderin eksporttaýshylar reestrine engizildi. 2021 jyldyń qańtar-aqpan aılarynda QR Aýyl sharýashylyǵy mınıstrliginiń kepildigimen soıa burshaqtaryn, jońyshqa, arpa, júgeri, bıdaı uny men kebek, zyǵyr tuqymdaryn óndiretin jáne qaıta óńdeýmen aınalysatyn 195 kásiporyn tizimge qosyldy.
Sondaı-aq qazirgi ýaqytta Aýyl sharýashylyǵy mınıstrligi burshaq, maqsary, jasymyq, kartop, jom, shrot sııaqty ónimderdi satý úshin eksportqa jol ashý kelissózderin júrgizip jatyr.
Aıta ketý kerek, Qytaıǵa bıdaı jóneltýge quqyǵy bar elevatorlar men astyq qabyldaý kásiporyndarynyń tizimi de jańartyldy.
Tizimde 120-dan astam pýnkt bar. Oǵan Aqmola oblysynyń 54 kásiporny, Qostanaı oblysynyń 30, SQO 34, Pavlodar oblysynyń 3 kásiporny kiredi.