Almaty qalasy ákimdiginiń baspasóz qyzmeti birinshi sanattaǵy jumyrtqalarǵa shekti bólshek saýda baǵasy belgilengenin málim etti, dep habarlaıdy Egemen.kz
«Qujatqa sáıkes, áleýmettik mańyzy bar azyq-túlik taýary «taýyq jumyrtqasyna (I sanatty)» shekti qoljetimdi bólshek baǵa 30 kúntizbelik kún merzimge on danasy úshin 487 teńge mólsherinde belgilenip otyr. Bul shara naryqtaǵy ónimniń qunyn turaqtandyrýǵa jáne satýshylardyń baǵalardy negizsiz kóterýine jol bermeýge baǵyttalyp otyr», delingen habarlamada.
Sonymen qatar, ótken jyldyń sońynda qaraqumyq jarmasy men qantqa shekti baǵa belgileý qalada ónimniń bir kelisiniń ortasha qunyn, sáıkesinshe, 375 teńgeden 360 teńgege deıin jáne 256 teńgeden 252 teńgene deıin tómendetýge múmkindik bergeni aıtyldy.Qaýly resmı jarııalanǵan kúnnen bastap qoldanysqa enedi. Baǵalardyń saqtalýyn Almaty qalasy Kásipkerlik jáne ınvestısııalar basqarmasynyń mamandary aýdan ákimdikterimen birlesip baqylaıdy. Erejebuzýshylyq bir jyldyń ishinde qaıtalanǵan jaǵdaıda, 100 aılyq eseptik kórsetkishten (291 700 teńge) 200 aılyq eseptik kórsetkishke deıingi (583 400 teńge) mólsherde aıyppul salynady.
Almaty qalasy ákimdiginiń qaýlysy búginnen bastap kúshine endi.