Memleket basshysy «Samuryq-Qazyna» ulttyq ál-aýqat qory» AQ basqarma tóraǵasy Almasadam Sátqalıevti qabyldady, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaevqa qordyń jumysy jaıynda esep berildi. Sondaı-aq iri ınfraqurylymdyq jobalardy iske asyrýǵa, «Samuryq-Qazyna» kompanııalar tobynyń áleýmettik ornyqtylyǵyn jáne qarjylyq turaqtylyǵyn qamtamasyz etýge qatysty Prezıdenttiń buǵan deıin bergen tapsyrmalarynyń oryndalý barysy týraly baıandaldy.
Almasadam Sátqalıev Memleket basshysyna «jasyl ekonomıkany» damytýǵa baılanysty salynatyn jańa qurylys nysandarynyń jospary, qor aktıvterin jekeshelendirý máselesi jóninde aıtty.
Kezdesý sońynda Prezıdent «Samuryq-Qazyna» qorynyń strategııalyq damýyna qatysty birqatar naqty tapsyrma berdi.