Jaıyqtyń jaıy eki memlekettiń nazarynda

Ekologııa, geologııa jáne ta­bıǵı resýrstar mınıstri Maǵ­zum Myrzaǵalıev Reseı Fede­rasııasy Tabıǵı resýrstar jáne ekologııa mınıstri Aleksandr Kozlovpen kezdesip, ózen bo­ıyn­daǵy gıdrologııalyq jylna­malarmen almasýdy usyndy.

«Jaıyq ózenine qatysty qor­dalanǵan problemalar sý sha­rýashylyǵy salasyndaǵy yn­tymaqtastyǵymyzdyń negiz­gi má­seleleriniń biri. О́zen sýy­ tartylýynyń aldyn alý jáne ekojúıeniń nasharlaýy bas­seınniń sý sharýashylyǵy júıe­sin keshendi zerdeleýdi talap etedi. Osyǵan baılanys­ty Ja­ıyqqa qatysty gıdrolo­gııa­lyq jylnamalarmen almasý táji­rıbesin turaqty negizde en­gizýdi usynamyn», dedi M.Myr­zaǵalıev.

1981 jylǵa deıin Jaıyq ózenine baılanysty biryńǵaı gıdro­logııalyq jylnamalyq bol­sa, 1982 jyldan bastap QazKSR men RFKSR ter­rı­to­rııa­­lary boıynsha jeke-je­ke gıdro­logııalyq jylnama júrgizilipti. Keńes Odaǵy ydy­ra­ǵannan keıin ár memleket ony óz betinshe qu­ras­tyrýǵa bel býdy.

Taǵy bir tetik retinde re­seı­lik tarappen birlesip, ózen bas­seınine taıaý ornalasqan ká­siporyndardyń biryńǵaı ti­zi­min jasap, ár kásiporynnyń ózenge áser etý deńgeıine taldaý júrgizý usynyldy.

«Jaıyq ózeni basseıniniń ekojúıesin saqtaý men qalpyna keltirýdiń 2021-2024 jyldarǵa arnalǵan baǵdarlamasy arqyly atalǵan basseınge lastaýshy zat­­­tardy tógetin kásiporyndar anyq­­taldy. Olardyń sany – 297. Bir­yńǵaı reestr búkil ózen ba­s­seı­ni boıynsha jaǵdaıdyń ke­shen­di kórinisin jasaýǵa múm­kin­dik be­redi», dedi elimizdiń bas ekology.

Vedomstvo basshysynyń aı­týynsha, kásiporyndarda aı­nal­maly sýmen jabdyqtaý júıe­sin, sýdy tazartýdyń tıim­di júıesin, sondaı-aq aýyl sharýa­shy­lyǵynda sýdy únemdeý tehnologııasyn engizý mańyzdy bas­tama bolady.