IZGILIKTI ISTER ShERÝI

Pavlodardyń áleýmettik-volon­ter­lyq ortalyǵy №43 orta mektep­te “Izgilik sabaǵy” aksııasyn uıym­das­tyrdy. Bul shara “Izgilikti Pav­lo­dar” qaıyrymdylyq festıvali­niń zańdy jalǵasy ispetti boldy. Aksııaǵa “Desenta” qoǵamdyq uıy­my bastamashylyq tanytsa, ol ót­ken aqpan aıynda “Syılyqqa ar­man”, “Meniń súıikti aýlam”, “Sa­typ aldyń — ber” sharalaryn da ót­kiz­gen bolatyn. Sol joly pavlo­dar­lyqtarǵa qaıyrymdylyq ta­nytýǵa múmkindik berilip, talantty balalarǵa, múmkindikteri shekteýli búldirshinderge, úısiz jandarǵa qaıyrymdylyq kórsetilgen edi. Iаǵnı, oblys ortalyǵynyń turǵyn­da­ryna muqtaj adamdarǵa jaq­sy­lyq jasaý úshin úndeý tastalǵan-tyn. Al “Izgilik sabaǵynyń” bul jolǵy sharasy sál basqa baǵytta júrdi. – Teledıdardan biz Temirtaý jas­tarynyń aýlalardaǵy sport alańdaryn qalpyna keltirip jat­qandary týraly sıýjet kórip qal­dyq.  Sóıtip, temirtaýlyqtardyń bastamalaryn ilip áketý jón dep sheshtik. Balalardyń, eresekterdiń bir jaǵadan bas, bir jeńnen qol shyǵaryp úndesip, izgilikti iske den qoıǵandary qandaı ǵanıbet, – deı­di Áleýmettik-volonterlyq ortalyq jobalarynyń úılestirýshisi Svet­la­na Gladysheva. Pavlodardyń №43 orta mek­te­binde bastaý alǵan sharany basqa bilim ordalary jalǵastyryp áket­pek. О́ıtkeni, oblys ortalyǵyn­daǵy ár mektepte volonterlar men eriktiler jasaqtary bar. Olar tómengi synyptarǵa kelip, osyndaı “Izgilik sabaqtaryn” ótkizedi. Bul sha­ralardyń ereksheligi sonda, sa­baq­tarǵa pedagogtarmen qatar, ata-analar men jastar qatysady. Bári­miz birlesip múddelestik tanyt­qanda ǵana izgilikti ister óte qajet ekenin kórsete alamyz. Farıda BYQAI. PAVLODAR. SENAT DEPÝTATY SAILANDY Qostanaı oblysynan shyǵyp qalǵannyń ornyna Parlament Senatynyń depýtatyn saılaý bo­lyp ótti. О́tken jyldyń  11 jeltoq­sa­nyn­da Senattyń qaýlysy qabyl­danyp, soǵan oraı Konstıtýsııaǵa sáıkes, basqa jumysqa aýysýyna baılanysty  Senat depýtaty Ev­ge­nıı Iosıfovıch Amannyń ókilettigi toq­tatylǵan bolatyn. Oblystyq saılaý komıssııasy Qostanaı ob­ly­synan Parlament Senatynyń depýtattyǵyna  úmitkerler Asqar Aron­uly Muratov pen  Jeńis Mırasuly Nurǵalıevti  tirkegen edi. Tańdaýshylardyń birlesken otyrysynda  kópshilik daýyspen Jeńis Mırasuly Nurǵalıev Senat depýtattyǵyna ótti. Ol buǵan deıin Qostanaı oblysy ákiminiń oryn­basary bolyp qyzmet istedi. Názıra JÁRIMBETOVA. QOSTANAI. BALA KÚTÝShI DE — MAMANDYQ Elbasy tapsyrmasymen ótken jyldan bastap qolǵa alynǵan “Jol kartasy” baǵdarlamasy kóp­te­gen múmkindikterge jol ashyp berdi. Sonyń biri – jumyssyz otyrǵan adamdarǵa mamandyq berip, eńbekke ornalastyrý. Qazirgi kezde Oral qalasyndaǵy J.Dosmuhamedov atyndaǵy ped­kol­ledjde “Jol kartasyna” sáıkes bala kútýshiler men tárbıeshiler daıar­lanýda. — Árıne, qaı mamandyqtyń da óz orny bar. Degenmen tehnıkalyq, pedagogıkalyq mamandyqtarmen qatar ómirge qajetti basqa da kásip túrlerin umytýǵa bolmaıdy. Máse­len, kádimgi bala kútýshilik kóp ele­ne bermeýi múmkin. Biz qazirgi tańda bul mamandyqtyń da asa qajet ekendigin túsindirdik. Osy bas­tamamyz Bilim jáne ǵylym mı­nıstrligi tarapynan qoldaý taýyp, memlekettik standartqa engizildi, — dedi gazet tilshisine kolledj dı­rektory, pedagogıka ǵylym­dary­nyń doktory, Oral qalalyq más­lı­hatynyń depýtaty Shalqyma Qur­manálına. – Bıyl bala kútý­shi­ler men tárbıeshiler jıyrma adamnan eki topta oqytylýda. Ju­mys­pen qamtý organdary arqyly joldamamen kelgender úsh aılyq kýrs kezinde aı saıyn 7500 teń­ge­den shákirtaqy alady. Ásirese, Qa­zaq­stan boıynsha birinshi ret qolǵa alynǵan bala kútýshilikke oqýǵa qala men aýdandardan tilek bil­di­rý­shiler kóp bolyp otyr. Qazirdiń ózinde 25 adam ekinshi kezekke jazyldy. Kolledjde arnaıy oqý baǵ­darlamasy jasalyp, kýrs tyń­daý­shylary sol boıynsha bilim alýda. Bala kútýshiler men tár­bıe­shiler oqýyn bitirgennen keıin kelgen jerlerine baryp, mektepke deıingi balalar mekemelerine ornalasady. Kolledjde bıyl osy eki mamandyq boıynsha 60 adam oqyp shyqpaq. Bul maqsatqa 5,838 mln. teńge bólinip otyr. Jalpy, atalmysh pedkolledjde “Jol kartasy” boıynsha da ma­man­dar daıarlaý jolǵa qoıylyp, tájirıbe jınaqtalǵan. Aıtalyq, ótken jyly EEM operatorlary men hatshy-referentter oqyp shyqty. Qazirgideı kezeńde adamdar ózderine qajetti mamandyq alyp, jumys taýyp jatsa, munyń kim-kim úshin de paıdaly ekendigi anyq. “Jol kartasynda” alǵa qoıylǵan maqsattyń biri de osy. Temir QUSAIYN. Batys Qazaqstan oblysy. JOL MEN JOLAÝShY MÁSELESI BASTY NAZARDA Kún tártibinen jol men jolaýshy máselesi áste túsken emes. Qazirgi kezde ishki tasy­mal­daýdaǵy avtokólik qural­da­rynyń jıiligi shekaralyq tasy­maldaýǵa qaraǵanda 9 esege art­qanyn kórsetedi. О́ńirde turaq­ty jumys isteıtin bir ǵana kó­lik­tik baqylaý mekemesi bar eke­nin eskersek, ol uzyndyǵy 6953 shaqyrymdyq jergilikti paıdalanymdaǵy jáne uzyn­dy­ǵy 2664 shaqyrymdyq respýb­lı­kalyq mańyzy bar avtojol­men júretin avtokólik qural­da­ryn baqylaıdy. Osy joldardy paıdalanǵan júrgizý­shiler ta­sy­mal­daý barysyndaǵy kólik sa­la­sy zańdaryn buzyp, qaýip­siz­dik sharalaryn kóbine umyt qal­dyratyny aıtpasa da túsi­nik­ti. Osynyń áserinen sal­maq­tyq, taǵy basqa ólshem birlik­teriniń ruqsat etilgen kólemi saqtalmaǵandyqtan, jol isten shyǵyp, jıi qosymsha jóndeýdi talap etedi. Qazirgi kezde óńirdegi Al­maty-Saryózek-Taldyqorǵan-Úsharal-Dostyq, Almaty-Shon­jy-Aqsaı-Qaljat-Uzynaǵash-Otar baǵyttarynda úsh aýy­symda kólik baqylaýyn júzege asyratyn kóshpeli beket jumys isteýde. Deı tursaq ta, kóktemgi jáne jazǵy kezeńderde júk kólikteriniń salmaqtyq ólshem birlikterin saqtamaýynan jol tósemderiniń mezgilsiz buzy­lýy­na ákelip soǵýda. Osynyń sal­da­rynan jolaýshy men júk ta­sy­maldaý qaýipsizdigin qamta­ma­syz etý maqsatynda sońǵy bes jylda respýblıkalyq avtojol­dar­dy jóndeýge bıýdjetten 560 mlrd. teńge bólinip, joldar retke keltirilgenin kóremiz. Kúmisjan BAIJAN. Almaty oblysy.