Úkimet qaýlysymen Erbol Shyraqpaıuly Qarashókeev qarjy vıse-mınıstri qyzmetine taǵaıyndaldy. Bul týraly Egemen.kz Premer-Mınıstrdiń baspasóz qyzmetine silteme jasap habarlaıdy.
Erbol Qarashókeev 1976 jyly Almaty oblysynda dúnıege kelgen. Ál-Farabı atyndaǵy Qazaq memlekettik ulttyq ýnıversıtetin, Qazirgi zamanǵy gýmanıtarlyq ınstıtýtty támamdaǵan. Mamandyǵy boıynsha biliktiligi — ekonomıst, bakalavr akademııalyq dárejesimen menedjment salasyndaǵy maman, ekonomıka magıstri, zańtaný bakalavry.
Eńbek jolyn 1998 jyly QR Statıstıka agenttigi Taldaý jáne konıýnktýralyq zertteýler basqarmasynyń bas mamany bolyp bastaǵan.
1999-2001 jyldary — QR Prezıdenti Ákimshiliginiń Áleýmettik-ekonomıkalyq taldaý bóliminiń konsýltanty. 2001 jyldan bastap 2003 jylǵa deıin kommersııalyq uıymdarda basshylyq laýazymdarda jumys istegen.
2003-2006 jyldary – «Eksporttyq kredıtter men ınvestısııalardy saqtandyrý jónindegi memlekettik saqtandyrý korporasııasy» AQ Qarjy departamentiniń dırektorynyń m. a., dırektory – basqarma múshesi.
2006-2007 jyldary QR Qarjy mınıstrliginiń jıyntyq-taldaý departamentinde jumys istedi. 2007 jylǵy qańtar-shilde aralyǵynda «QazAgro» ulttyq basqarýshy holdıngi» AQ basqarýshy dırektory bolyp jumys istedi.
2007-2009 jyldary — «Aýyl sharýashylyǵyn qarjylaı qoldaý qory» AQ basqarma tóraǵasy, Dırektorlar keńesiniń múshesi. 2010-2012 jyldary — Respýblıkalyq bıýdjettiń atqarylýyn baqylaý jónindegi esep komıtetiniń «Qarjylyq buzýshylyqtardy zertteý ortalyǵy» RMK dırektory.
2012-2013 jyldary — «QBTÝ munaı-gaz ınjınırıngi jáne aqparattyq tehnologııalar ınstıtýty» JShS bas dırektory. 2013-2016 jyldary — «Qazaqstannyń turǵyn úı qurylys jınaq banki» AQ basqarma tóraǵasynyń orynbasary. 2016-2019 jyldary — QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary.
2019 jylǵy qańtar-sáýir aralyǵynda — QR Qarjy mınıstrligi Qazynashylyq komıtetiniń tóraǵasy. 2019 jylǵy sáýirden 2021 jylǵy naýryzǵa deıin — «QazAgro» holdıngi» AQ basqarma tóraǵasy.
2021 jylǵy naýryzdan bastap qazirgi ýaqytqa deıin — QR Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi orynbasarynyń m. a.