Búgin Zagrebte Syrtqy ister mınıstrliginiń Eýropa departamentiniń dırektory Tımýr Sultanǵojın bastaǵan otandyq delegasııanyń qatysýymen Qazaqstan men Horvatııa arasyndaǵy saıası konsýltasııalar ótti, dep habarlaıdy Egemen.kz SIM baspasóz qyzmetine silteme jasap.
Kelissózderge Horvatııa Syrtqy jáne eýropalyq ister mınıstriniń orynbasary Petar Mıhatov qatysty. Qabyldaýshy tarapqa sondaı-aq syrtqy saıası vedomstvodaǵy Eýrazııa jáne Okeanııa departamentiniń dırektory Dýnıa Sıchaıa, aýmaqtyq jáne ekonomıkalyq yntymaqtastyq bólimsheleriniń basshylary men qyzmetkerleri ókildik etti.
Konsýltasııalar barysynda ekijaqty qarym-qatynastardy damytýdyń qazirgi ahýaly men keleshegi, eki eldiń kópjaqty alańdardaǵy ózara is-qımyl máseleleri talqylandy. Horvat tarapy táýelsizdiginiń 30 jyly ishinde Qazaqstan qol jetkizgen negizgi tabystary men saıası, ekonomıkalyq jáne áleýmettik reformalardy dáıekti ilgeriletý jónindegi memleket basshylyǵynyń sharalary týraly habardar etildi.
Taraptar ekijaqty qarym-qatynastardyń serpindi, údemeli damýyn, sondaı-aq 2020 jyldyń qorytyndysy boıynsha 330 mln AQSh dollarynan asqan ózara saýda aınalymynyń ósýin, alǵashqy otyrysy aǵymdaǵy jyldyń mamyr aıynda josparlanǵan Qazaqstan men Horvatııa arasyndaǵy ekonomıkalyq yntymaqtastyq jónindegi úkimetaralyq komıssııanyń qyzmetin iske qosýdyń mańyzdylyǵyn atap ótti.
Eki syrtqy saıası vedomstvonyń parlamenttik, vedomstvolyq, óńiraralyq, iskerlik jáne mádenı-gýmanıtarlyq baılanystardy damytýǵa belsendi yqpaldasýy týraly ýaǵdalastyqtarǵa qol jetkizildi. Qazirgi ýaqytta aýyl sharýashylyǵy jáne týrızm salalaryndaǵy yntymaqtastyq týraly ekijaqty qujattar qol qoıýǵa ázirlenip, ózara quqyqtyq kómek jáne densaýlyq saqtaý máseleleri boıynsha birlesken is-qımyl týraly kelisimderdiń jobalary pysyqtalýda.
Kópjaqty kún tártibi boıynsha pikir almasý barysynda BUU, EQYU, IýNESKO jáne basqa da halyqaralyq uıymdardaǵy árekettestik máseleleri talqylandy. Qazaqstan men Eýropalyq odaq arasyndaǵy Keńeıtilgen áriptestik pen yntymaqtastyq týraly Kelisim sheńberinde birlesken jobalardy iske asyrý múmkindikteri atap ótildi. Qazaqstan tarapy Ortalyq Azııa óńirlik aqparattyq úılestirý ortalyǵy qyzmetiniń sheńberinde esirtki trafıgine qarsy kúres jónindegi yntymaqtastyqty jandandyrýdy usyndy.
Kelissózdiń qorytyndymen Qazaqstan men Horvatııa syrtqy saıası vedomstvolary arasynda 2021–2023 jyldarǵa arnalǵan yntymaqtastyq jospary ázirlenip, olardyń ortaq qyzyǵýshylyq týǵyzatyn máseleler boıynsha qarqyndy dıalogty damytýǵa múddeliligi rastaldy.