Qaraǵandy oblysynyń Doskeı aýylynda tehnogendik sıpattaǵy tótenshe jaǵdaı jarııalandy. Oǵan aýylǵa jaqyn mańdaǵy qoqys polıgonynyń janýy sebep bolǵan, dep habarlaıdy Egemen.kz «Habar 24» arnasyna silteme jasap.
Jaqynda polıgon bir aptadan asa ýaqyt boıy órtengen edi. Jergilikti ákimdiktiń málimetinshe, sol órt qaıta tutanǵan. Oblystyq TJD 1200 sharshy metr alań janyp ketkenin aıtady. Úıilgen qoqys bıiktigi 3 metrge jetedi. О́rtti sóndirýge janǵysh materıaldyń kóptigi qıyndyq týdyrǵan.
«25 sáýirde polıgon qaıtadan tutanyp, áli kúnge deıin janyp jatyr. Oqıǵa boıynsha tergeý amaldary júrgizilýde. Qazirgi ýaqytta jaǵdaı turaqty, adamdardyń ómiri men qorshaǵan ortaǵa qaýip joq. О́rtiń taraý qaýpi joq», dedi Doskeı aýylynyń ákimi Erbolat Toqmyrza.
Doskeı aýyly mańyndaǵy turmystyq qatty qaldyqtar polıgonynda órt shyqqany 19 sáýirde habarlanǵan bolatyn. Aýyl turǵyndary eldi mekendegi ıiske shaǵymdanyp, polıgondy jabýdy talap etken edi. Olar polıgonnan jıi órt shyǵatynyn aıtty.