Almaty qalasy PD ókilderi kináli adamdardy izdestirip jatyr. Vıdeoda samokat aıdap bara jatqan qyz ben jigit balany qaǵyp, ketip qalǵany kórsetilgen, dep habarlaıdy Egemen.kz
Trotýarda samokat aıdap ketip bara jatqan qyz ben jigit tórt jastaǵy balany qaǵyp, oqıǵa ornynan qashyp ketken. Polısııa departamenti ókilderi 2 mamyrda belgisiz bireýler Nazarbaev dańǵylynda samokat aıdap kele jatyp, Qabanbaı batyr kóshesiniń qıylysynda tórt jastaǵy balany qaǵyp ketkenin habarlady.
«Búginde bul derekti Almaly aýdandyq polısııa basqarmasy tergep jatyr. Balany qaǵyp ketken adam mindetti túrde anyqtalyp, jaýapqa tartylady. Tıisti izdestirý sharalary júrgizilip jatyr», dedi Almaty qalasy polısııa departamentiniń baspasóz ókili.