Kúni ótken keńes zamanyndaǵy kommýnıstik ıdeologııanyń saldarynan jetimin jylatpaǵan, jesirin qańǵyrtpaǵan ata dástúrimizden aıyrylyp, osy ulttyq qundylyǵymyzdy táýelsizdik jyldarynda da tolyq túgendeı almaǵanymyz anyq. Sonyń saldarynan besikten beli shyqpaı jatyp, «tastandy» atanǵan talaı beıkúná sábı zańdy-zańsyz saýdaǵa salynyp, ultymyzǵa uıat keltirip turǵandyǵy belgili. Osy jóninde «Egemen Qazaqstan» gazetinde «Sábı saýdasy qashan toqtaıdy?» (2021 jylǵy 23 sáýir) degen taqyryppen jarııalanǵan synı maqala oqyrman qaýymdy beıjaı qaldyrmaǵan sııaqty.
Qazaqstandaǵy úlken problema beıkúná jas qazaq balalaryn shetelderge – Amerıkaǵa, Eýropaǵa, Izraılge berip jatqanymyz. Shyn máninde, baı amerıkalyqtar bizdiń balalarymyzdy tiri oıynshyq retinde alýda. О́zderi týyp, qınalmaı, náresteni baǵyp-kútpeı, daıar balalardy bizden satyp alady. О́ıtkeni shetelde balalarǵa beretin járdemaqy óte joǵary, sondyqtan 2-3 bala asyrap alsa, sonyń aqshasyna tátti ómir súrýge bolady. Amerıkalyqtar Qazaqstannan alǵan balalardyń qanshasyn kóshege tastap ketti jáne óltirdi?
Biz baı elmiz dep maqtanamyz, Aýǵanstan, Tájikstan, Qyrǵyzstanǵa kómek beremiz. Jaqsy. Al óz jetim balalarymyzdy asyraı almaımyz, qarjy joq dep shetelge myńdap jiberip jatyrmyz. Buǵan qosa respýblıkada halyq az deımiz de, shetelde júrgen qazaqtarǵa azamattyq bermeımiz. Jumys qoly kerek dep, syrttan jat mıgranttardy shaqyramyz. Bul – úlken qatelik.
Qazirgi talqylanyp jatqan zań jobasynyń ornyna, shetelge qazaq balalaryn jibermeý týraly Reseı, О́zbekstan, Qyrǵyzstan jáne basqa elder sekildi zań qabyldaý kerek. Parlament depýtattary, patrıot ekenderińizdi kórsetińizder. Kerek bolsa, bárimiz bir-bir baladan asyrap alaıyq.
Saılaý BATYRShAULY,
dıplomat, professor