21 mamyr men 1 maýsym aralyǵynda Birikken Arab Ámirlikteriniń Dýbaı qalasynda bokstan eresekter arasyndaǵy Azııa chempıonaty ótedi, dep habarlaıdy Egemen.kz Olympic.kz saıtyna silteme jasap.
Bokstan Azııa chempıonatyna qatysatyn Qazaqstan komandasy:
49 keli: Danııal Sábıt
52 keli: Sáken Bıbosynov
56 keli: Sabyrhan Mahmud
60 keli: Serik Temirjanov
64 keli: Zakır Safıýllın
69 keli: Abylaıhan Júsipov
75 keli: Ábilhan Amanqul
81 keli: Bekzad Nurdáýletov
91 keli: Vasılıı Levıt
+91 keli: Qamshybek Qońqabaev
«Bul dodaǵa Olımpıadaǵa qatysatyn boksshylardy túgel alyp bara jatyrmyz. О́ıtkeni, Azııa chempıonaty Tokıo qarsańyndaǵy eń mańyzdy daıyndyq kezeńderiniń biri sanalady. Olımpıadada baq synaıtyn jigitterdi taǵy da bir synap almaqpyz. Sondaı-aq, Azııa chempıonaty on salmaq dárejesinde ótetindikten, 57 kelidegi Serik Temirjanovty 60 kelige aýystyrdyq. 52 kelidegi Sabyrhan Mahmud 56 kelide judyryqtasady. 49 kelide elimizdiń eń jas chempıondarynyń biri bolǵan Danııal Sábıtti synǵa qostyq. Olımpıadashylarǵa tolyq múmkindik berdik», deıdi bas bapker Ǵalymbek Kenjebaev.
Eske sala keteıik, bokstan Azııa chempıonaty Úndistannyń Nıý-Delı qalasynda ótýi tıis edi. Alaıda, atalǵan eldegi epıdemıologııalyq jaǵdaıǵa baılanysty birinshilik Dýbaıǵa aýystyryldy.