Táýelsizdiktiń 30 jyldyǵyn merekeleýdiń aqtyq kezeńi «Uly dala eli – Táýelsizdiktiń 30 negizi» atty 30 juldyzdy kúnmen túıindeledi, dep habarlaıdy Egemen.kz.
Mádenıet jáne sport mınıstri Aqtoty Raıymqulova halyq aldynda esep berý kezdesýinde táýelsizdik merekesi qarsańynda qandaı sharalar ótetinin atady.
«Táýelsizdiktiń 30 jyldyǵyn merekeleýdiń sońǵy kezeńi «Uly dala eli – Táýelsizdiktiń 30 negizi» atty 30 juldyzdy kún bolmaq. Onyń aıasynda mádenıet uıymdarynyń kúnderi bastalady. Kún saıyn ónerdiń barlyq janryndaǵy jańa týyndylardyń tusaýkeserleri ótedi. Jyl boıy ónerdiń úzdik úlgilerin jasaýǵa, buqaralyq sport pen ishki týrızmdi damytýǵa jáne olardy odan ári ilgeriletýge baǵyttalǵan ıdeologııalyq-mazmundy jáne sapaly sharalardy ótkizý josparlanǵan», deıdi vedomstvo basshysy.