«Mıkroqaryzdy kóp mólsherde aımaqtardaǵy qazaqstandyqtar alady, sebebi olardyń jalaqysy tómen», degen el arasynda jańsaq pikir bar. «Robocash Group» («Zaımer» ONS) halyqaralyq qarjy holdıngi mamandary ekonomıkalyq esepteýler negizinde zertteý júrgizip, qazaqstandyqtardyń jalaqysy men olardyń ádette qaryzǵa suraıtyn somasynyń arasynda esh baılanys bolmaıtynyn dáleldedi.
Ulttyq statıstıka komıtetiniń resmı málimetterine súıene otyryp, kompanııa analıtıkteri respýblıka aımaqtaryndaǵy ortasha jalaqy men olardyń ádette qaryzǵa suraıtyn somasyn salystyrdy. Mysaly, Nur-Sultan qalasynda ortasha jalaqy 349,6 myń teńge, al suralatyn qaryz somasy 76,6 myń teńgeden aspaıdy. Almatyda ortasha jalaqy aıtarlyqtaı joǵary, ıaǵnı 274,4 myń teńge, al suralatyn qaryz somasy Nur-Sultandaǵydaı – 75,1 teńge.
Soltústik Qazaqstanda jalaqy orta eseppen 168,9 myń teńgeni quraıdy, biraq atalǵan óńir turǵyndary qaryz somasyn ádette 56,9 myń teńgeden asyra qoımaıdy. Basqa óńirlerde de jaǵdaı osyǵan uqsas.
«Analız barysynda, kelesi jaǵdaıdy baıqadyq: neǵurlym jalaqy tómen bolsa, qaryz somasy da soǵurlym tómen. Demek qazaqstandyqtar ózderiniń qarjy múmkindikterin jaqsy biledi jáne eń bastysy, qaryzdy kóp surap alyp, odan keıin ony qaıtara almaı qalyp, dárejesin túsirip alýdan qorqady. Sol sebepti, qaıtarýǵa shamasy keletin somany ǵana alady. Desek te Túrkistan jáne Jambyl oblystary kózge erekshe túsip otyr. Atalǵan óńirlerde ortasha jalaqy basqa óńirlermen salystyrǵanda tómen bolǵanyna qaramastan, oblys turǵyndary eń joǵary qaryz somasyn alýshylar qataryna kiredi eken. Onyń sebebi, Jambyl men Túrkistan oblystarynda bıznesmender óte kóp, olar qaryzdy bıznesin damytý maqsatynda alady», deıdi «Zaımer» servısiniń mamandary.