«Qyzyl aımaqtyń» qaýpi basym

Oblystyq densaýlyq saq­taý basqarmasy baspasóz qyz­metiniń aqparatyna súıen­sek, ótken táýlikte, ıaǵnı 16 mamyrda 77 adam saýyǵyp shyqqan eken. Alaıda, taǵy 77 adam ko­ro­navırýs ınfeksııasyn juq­ty­ryp alypty.

– Sońǵy táýlikte qaýipti vırýs juqtyrǵandardyń arasynda Atyraý qalasynan 49 adam bar. Teńiz ken ornynda 13 naýqastan koronavırýs ınfeksııasynyń belgisi rastaldy. Sondaı-aq, Qurmanǵazy aýdanynda – 5, Jylyoıda – 4, Maqatta – 4, Inderde – 1, Qyzylqoǵada 1 tur­ǵynnan Covid-19 indeti anyq­taldy. Onyń ishinde 33 naý­qasta koronavırýstyń sımptomdy túri baıqaldy, – dedi basqarmanyń baspasóz qyzmeti.

О́ńirde úı jaǵdaıynda em­de­lip jatqan naýqastar da azaıar emes. Qazir 638 naýqastyń úı jaǵdaıynda emdelip jatqany belgi­li bolyp otyr. Al, ın­fek­­sııalyq stasıonarlarda 518 naýqas jatyr. Máselen, modýldik aýrýhanada – 147, Atyraýdaǵy №2 oblystyq aýrýhanada – 121, aýdandardaǵy ınfeksııalyq stasıonarlarda – 121, ftızıo­pýlmonologııalyq or­ta­­lyqta 53 pasıent oqshaý­la­nypty.

Árıne, óńirde koronavırýs ınfeksııasyn taratpaý maq­sa­t­yn­da qolǵa alynǵan ju­mys­ty joq deýge bolmaıdy. О́ıt­keni, qaýipti vırýsqa qarsy vak­sına salatyn 36 stasıo­nar­lyq, 10 jyljymaly beket ashyldy. Mundaı beketter emhanalarda, oblystyq ákim­dik pen Mahambet aýda­nyn­da, «Azamattarǵa ar­nal­­ǵan úkimet» mem­lekettik korporasııa­sy» KeAQ Atyraý fılıalynda, sondaı-aq, saýda ortalyq­ta­ryn­da jumys isteıdi. О́ńirge «Spýtnık V», «QAZVAC», «Hayat-Vax» vaksınalary jet­kizildi.

– Atyraý oblysynda tur­ǵyn­dardyń sany 650 myń adam­dy quraıdy. Onyń ishinde 250 myń turǵyndy vaksınalaý jos­par­lanyp otyr. Bul sanatqa ekpe alýǵa qarsy kórse­tilimi joq 18 jastan asqan tulǵalar jatady, – deıdi oblys­tyq den­saý­lyq saqtaý basqar­ma­synyń basshysy Ashan Baıdýálıev.

Alaıda, áli de turǵyndar tarapynan vaksına alýdyń baıaý ekeni baıqalady. Máse­len, oblystyq densaýlyq saqtaý bas­qarmasy baspasóz qyz­me­ti­niń málimetine qaraǵanda, 15-16 mamyrda 812 turǵyn ǵana koronavırýsqa qarsy ek­pe saldyrǵany belgili bolyp otyr. Al, 1 aqpan-17 mamyr aralyǵynda 44 707 adam «Spýtnık V», «QAZVAC», «Hayat-Vax» vaksınalarynyń I kom­ponentin saldyrypty. Atal­­ǵan vaksınalardyń II kom­po­nenti 14 486 adamǵa egilipti.

Vaksına alǵandardyń qata­ryn­da oblys ákimi Mahambet Dosmuhambetov te bar. Ákim koronavırýsqa qarsy vaksına sal­dyrý úshin «Geolog» eldi meke­nindegi emhanaǵa bardy.

– Dárigerler aldymen tir­keýden ótkizdi. Dene qy­zýy­m men qan qysymymdy ólshep, tolyq medısınalyq tekserý júrgizdi. Sodan keıin ǵana Qaraǵandy farmasevtı­ka zaýytynda shyǵarylǵan «Spýtnık-V» vaksınasyn sal­dyrt­tym. Vaksınadan keıin jar­ty saǵat arnaıy bólmede mamandar baqylaýynda boldym. Qazir jaǵdaıym jaqsy, vaksınanyń eshqandaı janama áseri baıqalǵan joq. Ma­man­dar ekpe salynǵan jerge sý tıgizbeı, jyly ustaý, kútinip ári saqtyq sharalaryn ustanýǵa keńes berdi. Jaqyndarymyz ben aınalamyzdaǵy adamdardy da ózimizdi qorǵaý úshin koronavırýsqa qarsy vaksına alý óte mańyzdy, – deıdi oblys ákimi M.Dosmuhambetov.

Al vahtalyq ádispen ju­mys­qa tartylǵan adamy kóp «Teńizshevroıl» kompanııasyna sáýirde «Spýtnık V» vak­sı­na­synyń 15 myń dozasy jet­kizilgen edi. Qazir ken ornynda koronavırýs ınfeksııasyna qarsy vaksına saldyrýǵa 15 myń adam nıet bildirip otyr. Kompanııa basshylarynyń máli­metinshe, ken ornyndaǵy ju­mys­shylardy vaksınalaý erikti júzege asyrylyp jatyr. Osy kezge deıin vak­sı­nanyń I komponentin 10 myńnan astam adam saldyrdy. «Teńizshevroıl» men seriktes kásipo­ryndardyń qyz­met­ker­leri 11 mamyrdan bastap Atyraý, Qulsary, Nur-Sultan, Almaty, Oral, Shymkent, Aqtóbe, Aqtaý jáne Jańaózen qalalaryndaǵy «Medıker» ortalyqtarynan vaksına saldyra alady.

Qalaı desek te, «qyzyl aı­maqqa» birneshe ret engen Aty­raýdaǵy qaýipti vırýsty juq­tyrý tolastar túri kórin­beı­di. Dárigerler koronavırýs ınfeksııasyn juqtyrmaýdyń bir ǵana jolyn usynyp otyr. Bul – koronavırýsqa qarsy vaksına saldyrý. Jaqynyna janashyr bolǵysy kelgender osyndaı qadamǵa baryp otyr.

Atyraý oblysy