Oblys ákimi Mahambet Dosmuhambetov Azamat Mámbetovty oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy etip taǵaıyndady, dep habarlaıdy Egemen.kz.
Azamat Mámbetov 1986 jyly Aqtóbe oblysynda dúnıege kelgen. Eki joǵary oqý ornynan joǵary bilim alypty. Atap aıtqanda, Qazaq gýmanıtarlyq zań ýnıversıtetin zańger, Q.Jubanov atyndaǵy Aqtóbe memlekettik ýnıversıtetin ekonomıst mamandyǵymen bitirgen.
Onyń eńbek joly 2006 jyly Aqtóbe qalalyq ákimi apparaty janyndaǵy «Aqtóbe-Geozem» mekemesinde kadr jónindegi bas maman retinde bastaldy. Keıin 2010-2011 jyldary Atyraý oblystyq densaýlyq saqtaý basqarmasynyń ákimshilik-quqyqtyq jáne kadr bóliminde kadr isi jónindegi bas maman bolyp jumys istedi. Al, 2011-2013 jyldary atalǵan basqarmanyń strategııalyq jáne baǵdarlamalardyń qujattar monıtorıngisi jónindegi bóliminde zańger, 2013-2019 jyldary osy basqarmada bólim basshysy bolǵan.
2019 jyldan beri oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary laýazymyn atqardy.