Otbasy saıasaty baǵytynda «2030 jylǵa deıin genderlik jáne otbasylyq saıasat Tujyrymdamasyn iske asyrýdyń is-sharalar Josparynyń» ekinshi kezeńi bekitildi. Bul týraly Aqparat jáne qoǵamdyq damý mınıstri Aıda Balaeva aıtty, dep habarlaıdy Egemen.kz.
«Tujyrymdama negizinen otbasy ınstıtýtyn nyǵaıtý, reprodýktıvti densaýlyq kútimi, genderlik teńdik, turmystyq zombylyqty boldyrmaý máselelerin qamtıdy. Sonyń ishinde, turmystyq zombylyqpen kúres máselesi óte ózekti. О́kinishke oraı byltyrǵy karantındik oqshaýlaný kezinde turmystyq janjal faktileri kúrt óskeni bilindi. Al bul máselemen aınalysatyn Ortalyqtar elimizdegi tek iri qalalarda ǵana shoǵyrlanǵan. Qazir el aýmaǵynda turmystyq zombylyq qurbandaryna arnalǵan 65 Daǵdarys Ortalyǵy jumys isteıdi», dedi Aıda Balaeva.
Mınıstrdiń aıtýynsha, búginde árbir aýdan jáne qalada osyndaı ortalyqtar ashý qolǵa alynýda. 2025 jylǵa deıin olardyń sanyn 234-ke jetkizý kózdelip otyr.