Jyl basynan beri fermerler 140 mlrd teńgege 8700 tehnıka satyp aldy. Bul týraly Ortalyq kommýnıkasııalar qyzmetinde ótken brıfıngte Aýyl sharýashylyǵy birinshi vıse-mınıstri Aıdarbek Saparov málimdedi, dep jazady Egemen.kz.
«Aýyl sharýashylyǵy tehnıkasyn satyp alý deńgeıi oń dınamıkany kórsetýde. 2021 jyldyń 5 aıynda respýblıka boıynsha 140 mlrd teńgege jýyq somaǵa 8700 birlik tehnıka satyp alyndy. Jyl sońyna deıin bul somany 240 mlrd teńgege deıin jetkizý josparlanyp otyr. Bul Memleket basshysynyń Agroónerkásiptik keshendegi eńbek ónimdiligin 2,5 esege arttyrý jónindegi tapsyrmasyn oryndaýǵa yqpal etedi. Nátıjelerdi qazirdiń ózinde kórip otyrmyz. О́tken jylmen salystyrǵanda nege 1,5 mln ga alda kele jatyrmyz? Bul tehnıkany jańartýdyń arqasy. Bastapqy jarna máselesi sheshildi, ınvestısııalyq sýbsıdııa endi avans retinde paıdalanylýy múmkin», dedi birinshi vıse-mınıstr.
Sonymen qatar, ol bıyl otandyq aýyl sharýashylyǵy tehnıkasyn satyp alý úlesi edáýir óskenin habarlady.