Atyraýda ózen jaǵalaýyna demalýǵa barǵan turǵyn Jaıyqqa qulaǵan balasyn qutqaryp qaldy, dep habarlaıdy Egemen.kz.
Oblystyq polısııa departamenti baspasóz qyzmetiniń málimetinshe, jazǵy shomylý maýsymy áli bastalǵan joq. Biraq, óńir turǵyndary tarapynan ózen-kólge shomylý deregi jıi qaıtalanyp otyr.
«Saqtyq sharalaryn elemegen atyraýlyq turǵynnyń biri 28 mamyrda keshki saǵat 20:03 shamasynda jasóspirim balalarymen Jaıyq ózeniniń jaǵasyna demalýǵa barǵany anyqtalyp otyr. Jaǵada oınap júrgen jas shamalary 6-7 jastaǵy eki balanyń biri abaısyzda ózenge qulap ketken. Ony kórgen ákesi ózenge sekirip, balasyn alyp shyqqan. Muny beınebaqylaý kamerasynan baıqaǵan qyzmetkerler jaqyn mańdaǵy polıseılerge baǵyttama bergen», dep habarlady departamenttiń baspasóz qyzmeti.
Jaǵalaýǵa jetken polısııa qyzmetkerleri tekserý kezinde kámelet jasqa tolmaǵan eki balanyń ata-anasy ruqsat etilmegen jerde shomylǵanyn anyqtady. Sol sebepten, profılaktıkalyq túsindirý jumysyn júrgizip, eskertý bergen.