Qaraǵandy oblysy boıynsha ekonomıkalyq tergeý departamenti úsh jyl ishinde 2 mlrd teńgege jýyq somany qolma-qol aqshaǵa aınaldyrǵan qylmystyq top qyzmetiniń jolyn kesti, dep habarlaıdy Egemen.kz.
6 adamnan quralǵan qylmystyq top Temirtaý qalasynda jalǵan býhgalterlik qujattardy jazyp berý arqyly salyq tóleýshilerge salyq tóleýden jaltarýǵa kómektesý maqsatymen qyzmet etken. Osy maqsatta UQT baqylaýyndaǵy 8 jalǵan fırma zańsyz qyzmetke tartyldy.
Qylmystyq áreket saldarynan memleketke tólenbegen salyq túrinde shamamen 200 mln teńge kóleminde zalal keldi. Qazirgi ýaqytta qylmystyq is sotqa joldandy, toptyń uıymdastyrýshysy jáne sybaılastarynyń biri qamaýǵa alyndy. Zańsyz qolma-qol aqshaǵa aınaldyrý qoǵamda eki mańyzdy máseleni – salyqtardyń túspeýin jáne sybaılas jemqorlyqtyń ósýin týdyrady.
Adal emes kásipkerlerdiń bıýdjetke salyq pen basqa da túsimderdi tóleýden jaltarýynan mektepter, aýrýhanalar jáne basqa da áleýmettik mańyzy bar obektiler salýǵa qajetti qarajat túspeıdi. Sonymen birge, zańsyz qolma-qolǵa aınaldyrylǵan aqsha para berý, paraǵa satyp alý sekildi birqatar basqa quqyq buzýshylyqtarda paıdalanylyp, sol arqyly elimizde sybaılas jemqorlyqtyń keńinen taralýyna sebep bolady.