«Aqmola oblysynyń aýmaǵynda karantındik shekteý sharalaryn kúsheıtý týraly» óńirdiń bas memlekettik sanıtarlyq dárigeriniń 2021 jylǵy 8 sáýirdegi №14 qaýlysyna ózgeris engizildi, dep habarlaıdy Egemen.kz.
Qaýlyǵa sáıkes, qoǵamdyq tamaqtandyrý obektileriniń qyzmetine ústelder arasyndaǵy 2 metr qashyqtyqty saqtaý, kelýshiler arasyndaǵy 1 metrden kem emes qashyqtyqty saqtaý sharttarymen ruqsat berilip otyr.
Alaıda, kópshilik jınalatyn saltanatty, otbasylyq, estelik, ujymdyq jáne basqa da is-sharalardy ótkizýge tyıym salynǵan.
«Dámhana, meıramhana tıpi boıynsha, dúkenderde ornalasqan barlardyń (jaılardaǵy) toltyrylýy 50 paıyzǵa deıin bolǵanda, sondaı-aq, otyratyn oryn sany 30-dan aspaǵanda jumys rejımi saǵat 09:00- 20:00-ge deıin ruqsat etiledi. Odan keıin saǵat tańǵy 09:00-ge deıin ónim tek ózimen alyp ketý shartymen satylady. Jazǵy alańdardyń toltyrylýy da 50 paıyzǵa deıin, biraq 50 orynnan asyrmaı, saǵat 09:00- 20:00-ge deıingi jumys rejımi saqtalýy kerek. Al ashana tıpi boıynsha nysandardyń jumys rejımi saǵat 09:00- 24:00 aralyǵynda», delingen qaýlyda.
Qaýly qol qoıylǵan kúnnen bastap kúshine enedi.