TURAQTANǴAN QARJY JÚIESI EL EKONOMIKASYNYŃ О́SÝINE QYZMET ETÝDE

Keshe Memleket basshysy Nursultan Nazarbaev Ulttyq Banktiń, Qarjy naryǵy men qarjy uıymdaryn retteý jáne qadaǵalaý jónindegi agenttik pen Almaty qalasynyń óńirlik qarjy ortalyǵynyń qyzmetin retteý jónindegi agenttiktiń 2009 jylǵy esepterine arnalǵan keńes ótkizdi, dep habarlady Qazaqstan Respýblıkasy Prezıdentiniń baspasóz qyzmeti. Keńeste Ulttyq Banktiń Tór­aǵasy G.A.Marchenkonyń, Qarjy naryǵy men qarjy uıymdaryn ret­teý jáne qadaǵalaý jónindegi agenttiktiń tóraıymy E.L.Bah­mý­to­vanyń, “Samuryq-Qazyna” ult­tyq ál-aýqat qory” AQ basqar­ma­ tóraǵasy Q.N.Kelim­be­tovtiń, Almaty qalasy óńirlik qar­jy ortalyǵynyń qyzmetin ret­teý jónindegi agenttiktiń tór­aǵasy Á.K.Arystanovtyń baıanda­ma­lary tyńdaldy. Memleket basshysy atap aıt­qanyndaı, ótken jyly úlken ju­mys aýqymy atqaryldy. Búgingi kúnge deıin daǵdarysqa qarsy baǵ­darlama aıasynda ekonomıkanyń basym sektorlaryna qoldaý bil­dirýge arnalyp Ulttyq qordan bólingen aqshanyń deni ıgerildi. Qarjy júıesi turaqtandyryldy. – Biz ınflıasııanyń jáne ju­myssyzdyq deńgeıiniń tómendeýin qamtamasyz ete aldyq jáne eń bas­tysy, bizdiń ekonomıkanyń naq­ty kórinistegi artýyn saqtap qal­dyq, – dep atap kórsetti Elbasy. Esepterdi tyńdaýdyń qory­tyn­dysy boıynsha Memleket bas­shysy monetarlyq jáne qarjy organdarynyń ótken jylǵy qyz­met nátıjelerin oń baǵalady jáne elimizdiń qarjy sektoryn odan ári damytý jáne aqsha-nesıe saıasatyn iske asyrý jóninde birqatar tap­syrmalar berdi. Bank sektorynda oń faktor retinde depozıt bazasynyń artýy, sonyń ishinde halyqqa tıesili depozıtterdiń 28,5%-ǵa artýy atap ótildi. Bank sektorynyń syrtqy qaryzdarynyń salmaǵyn tómen­de­týge “Samuryq-Qazyna” ulttyq ál-aýqat qorynyń qatysýymen bank mindettemelerin qaıta qury­lym­daýdyń oń nátıjeleri jár­dem­desetin bolady. Memleket basshysy qabyl­dan­ǵan Qarjy sektoryn daǵdarystan keıingi kezeńde damytý tujy­rym­damasynyń júıelik negizinde iske asyrýdy baqylaýǵa qoıdy. Bo­la­shaq qarjy silkinisterine jáne erte bastan áreket etýdiń ozyq ta, jetilgen júıesin ornyqtyrýǵa, sondaı-aq makro- jáne mıkroprý­den­sıaldyq retteýdi, sonyń ishin­de ınstıtýttyq retteýdi kúsheıtýge ázirlený qajettigi atap ótildi. Sondaı-aq, Qazaqstan eko­no­mıkasynyń daǵdarystan keıingi ta­bysty damýy jáne ındýstrııa­lan­dyrýdyń besjyldyq josparyn oı­daǵydaı iske asyrý eldiń qajet­ti qar­jy resýrstaryn jumyldyrý qa­bilettiligine jáne olardy eko­no­mı­kada utymdy paıdalanýǵa baıla­nysty bolatyny atap kórsetildi. Joǵarǵy bólinistegi óndiristiń damýymen sıpattalatyn jańa bız­nes-ortanyń qalyptasýy jaǵ­daıyn­da qor rynogynyń jáne qar­jy resýrstaryn tartýdyń bas­qa da balamaly tetikterin damytý aıryqsha mańyzǵa ıe bolady. Qarjy júıesi men retteý or­gan­dary óz taraptarynan ekono­mı­kanyń jedel ártaraptandyrylý mindetine járdemdesýi tıis. Mu­nyń ózi aldaǵy kezeńde qarjy organdary men Úkimet úshin sheshýshi mindet bolyp tabylady. Tutastaı alǵanda, elimizdiń 2010 jylǵy damýy oıdaǵydaı júrip jatyr. Birinshi toqsannyń qorytyndysy boıynsha el IJО́-si 6,6 paıyzǵa ósti, ónerkásip pen saýda tıisinshe 11,5 jáne 10,5 paıyzdarǵa artty. Bul rette ústimizdegi jyldyń alǵashqy eki aıyndaǵy eksport 2009 jyldyń sáıkes kezeńine qaraǵanda 60 paıyzǵa ósken eken. Sýretterdi túsirgender S.BONDARENKO, B.OTARBAEV.