Memleketten aýyl sharýashylyǵy jerlerin jalǵa alǵandar ony 5 jyldan keıin basqa adamǵa bere alady, dep habarlaıdy Egemen.kz.
Bul norma jer týraly zańnyń jobasynda qarastyrylǵan. Májilis depýtaty Berik Ospanovtyń aıtýynsha, buǵan deıin qazaqstandyqtarda mundaı quqyq bolǵan joq. Sheteldikter nemese olardyń qatysýymen ashylǵan kásiporyndarǵa jer telimderin jalǵa alýǵa qatań tyıym salynǵan. Eger mundaı jaǵdaılar anyqtalsa, memleket keri qaıtaryp alady. Jalǵa alýshylar týraly tolyq aqparat arnaıy bazaǵa jınaqtalady. Jaýapty organdar únemi tekseris ótkizip, zań buzýshylyqtardy anyqtaıdy.
Buryn osy máselemen jergilikti atqarýshy organdar aınalyssa, endi ol Aýyl sharýashylyǵy mınıstrliginiń quzyrynda. Jańa qujatta mal jaıylymdaryna qatysty ózgerister de bar. Endi memleket qajet bolǵan jaǵdaıda jerdi ıesinen satyp alýǵa quqyly. Al, sharýa jaıylymdy jalǵa alyp otyrsa, úkimet oǵan aýmaǵy sáıkes keletin týra sondaı jer taýyp berýi tıis. Zań jobasyna sáıkes aýyl sharýashylyǵy jerlerinde ónerkásiptik nysandar salýǵa tyıym salynǵan. Ony qoldaný maqsatyn da ózgertýge bolmaıdy.
Qazir elimizde shamamen 100 mıllıon gektar aýyl sharýashylyǵy jeri bar.
«Eger siz jer paıdalaný quqyǵynyń ıesi bolsańyz, jańadan jer aldyńyz, quqyqty bireýge ótkizý úshin ózińiz ony 5 jyl paıdalanýyńyz kerek. Sodan keıin ǵana ony basqa bireýge ótkize alasyz. Mysaly, siz búgin ony alasyz, erteń satyp jiberemin deısiz. Osy jerde spekýlıatıvtik jaǵdaılarda tolyq toqtatý úshin 5 jyl ıgermeseńiz jer paıdalaný quqyǵynan aıyrylasyz», dedi QR Parlamenti Májilisiniń depýtaty Berik Ospanov.