Shańdy daýyl shatyr shaıqady

Shańdy daýyl saldarynan qala boıynsha 5 kópqabatty tur­ǵyn úıdiń, 3 kommersııalyq, 2 bilim berý nysanynyń shatyr­la­ry ushyp, avtokólikterdiń, ǵımarat­tar­­dyń ústine qulaǵan. Jalpy ǵıma­rattardyń 3 223 sharshy metr sha­tyry qulaǵan, 6 avtokólik za­qym­­­­dal­­ǵan. ­Qazir keltirilgen shy­­­ǵyn kó­le­mi anyqtalyp jatyr. О́ki­nish­ke­ qaraı, 2009 jyly týǵan bala zardap shekken. Búginde onyń densaýlyq jaǵdaıy ortasha. Oblystyq balalar aýrýhana­syn­da em qabyldaýda. Úshinshi mega­polıstiń Qarataý aýdany Nursat shaǵyn aýdanynda, Qyzyl sý, Isfıdjab, О́temis, Saıram, Shapyrashty turǵyn alaptarynda elektr qýaty sóngen. Aýdandyq elektr stan­salardyń maman­dary atqarǵan apatty qalpyna kel­tirý ju­mystary nátıjesinde, tún ja­rym­ǵ­a jaqyn atalǵan meken­jaı­lar­ǵa elektr qýaty qaıta qosyldy.

Shymkent qalalyq tótenshe jaǵ­daı depar­tamentiniń habarlaýyn­sha, oqıǵa oryndarynda 24 adam, 7 tehnıka, sondaı-aq «QazTransGaz» AQ Shymkent fılıalynyń, «Ońtústik Jaryq tranzıt» JShS-nyń, «Sý resýrstar marketıng» JShS-nyń qyzmetkerleri men teh­nı­ka­la­ry jumys atqarǵan. De­par­ta­mentte jedel shtab qury­lyp, táýlik boıy kezekshilik uıymdas­ty­ryl­ǵan. Kommýnaldyq qyz­metter men apattyq brıgadalar daýyl saldaryn joıýda.