Jylyoı aýdanynyń ortalyǵy – Qulsary qalasynda kólik terezesinen denesin shyǵarǵandarǵa aıyppul salyndy, dep habarlaıdy Egemen.kz
Oblystyq polısııa departamenti baspasóz qyzmetinen málim etkendeı, 13 maýsymda Qulsary qalasynyń ortalyq kóshesinde eki adam qozǵalyp bara jatqan kóliktiń terezesinen denesin shyǵaryp, tý ustap turǵan.
«Jolda júrý erejesin saqtamaǵandar Jylyoı aýdandyq polısııa bóliminiń jedel basqarý ortalyǵynyń beınekamerasyna túsken. Vıdeoda eki azamattyń kólik terezesinen denesin shyǵaryp, memlekettik Týdy ustap turǵanyn kórýge bolady. Osyǵan oraı patrýldik polısııa qyzmetkerleri «Toyota Ipsum» kóliginiń júrgizýshisi men eki jolaýshyǵa qatysty QR Ákimshilik quqyqbuzýshylyq týraly Kodeksiniń 593-shi jáne 619-babymen ákimshilik hattamalar toltyrdy», dep habarlady departamenttiń baspasóz qyzmeti.