Aqmola oblystyq Polısııa departamenti baspasóz qyzmetiniń málimetinshe, jol-kólik oqıǵasy maýsymnyń 14-de saǵat 09:35 shamasynda «Aqsý-Bestóbe-Izobılnoe» tasjolynyń 37-shaqyramynda bolǵan, dep habarlaıdy Egemen.kz
«Anyqtalǵandaı, «Aýdı» kóliginiń 1978 jylǵy júrgizýshisi joldyń qarsy baǵytyna shyǵyp ketip, qarsy baǵytta júrip kele jatqan «Kaessbohrer Setra» jolaýshylar avtobýsymen soqtyǵysqan. Saldarynan avtobýsta bolǵan 25 jolaýshynyń jeteýi túrli dene jaraqatymen aýrýhanaǵa jetkizildi», dedi vedomstvodan.
Qazirgi ýaqytta jol-kólik oqıǵasyna qatysty kináli tulǵalardy jaýapqa tartý úshin materıaldar sotqa joldandy.