Pandemııa kezinde mobıldi jasaqtar 750 myń ret úılerge baryp járdem kórsetken, dep habarlaıdy Egemen.kz.
Bul týraly Premer-Mınıstrdiń orynbasary Eraly Toǵjanov Elbasy kitaphanasynda ótken medısına qyzmetkerlerimen kezdesýde aıtty.
«Pandemııa kezinde medısına qyzmetkerleri óz densaýlyǵyn qaterge tige júrip, vırýspen kúrestiń aldyńǵy shebinde boldy. Bul jumystyń nátıjesi – myńdaǵan qutqarylǵan ómir. Pandemııa kezinde 380 myńnan astam adam koronavırýs ınfeksııasynan emdelip, jazylyp shyqty.
Medısına qyzmetkerleriniń kúsh-jigeriniń arqasynda eldegi epıdemıologııalyq jaǵdaıdy turaqtandyrýǵa múmkindik týdy. Qysqa merzim ishinde azamattarymyzdyń densaýlyǵyn saqtaýǵa baǵyttalǵan aıtarlyqtaı kúsh pen qarajat jumyldyryldy. Qysqa merzimde halyqaralyq standarttarǵa saı keletin 16 juqpaly aýrýlar aýrýhanasy salyndy», dep atap ótti Vıse-Premer. Úkimet basshysynyń orynbasary bul kezeńde óńirlerge 1200-den astam sanıtarlyq avtokólik, 100 jyljymaly medısınalyq keshen jiberilgenin atady.
«Qysyltaıań shaqta 3,6 myńnan astam mobıldi brıgadanyń jumysy jolǵa qoıyldy. О́tken jyly mobıldi brıgadalar 750 myńnan astam naýqastyń úıine baryp qyzmet kórsetti», dedi Eraly Toǵjanov.