2021 jylǵy qańtar-mamyr aılary aralyǵynda respýblıkalyq bıýdjetten múgedektik boıynsha memlekettik áleýmettik járdemaqy tóleýge 128,8 mlrd teńge, asyraýshysynan aıyrylý jaǵdaıyna 34,4 mlrd teńge baǵyttaldy, dep habarlaıdy Egemen.kz.
1 maýsymdaǵy jaǵdaı boıynsha múgedektigi boıynsha memlekettik áleýmettik járdemaqy alýshylardyń sany 528 myń adamdy, asyraýshysynan aıyrylý jaǵdaıy boıynsha 171 myń adamdy quraıdy. Múgedektigi boıynsha memlekettik áleýmettik járdemaqylardyń mólsheri múgedektiktiń tobyna jáne sebebine, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómen kúnkóris deńgeıiniń shamasyna baılanysty bolady.
Asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri qaıtys bolǵan (qaza tapqan) asyraýshysynyń asyraýyndaǵy adamdardyń sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómen kúnkóris deńgeıiniń shamasyna baılanysty bolady.
1 maýsymdaǵy jaǵdaı boıynsha múgedektigi boıynsha memlekettik áleýmettik járdemaqynyń ortasha mólsheri 49 338 teńgeni, asyraýshydan aıyrylý jaǵdaıy boıynsha memlekettik áleýmettik járdemaqynyń ortasha mólsheri 40 865 teńgeni qurady.