Byltyr mamyr aıynda ekonomıkalyq ósýdi qalpyna keltirý boıynsha keshendi jospar qabyldandy. Onyń sheńberinde birqatar salyqtyq jeńildikter qarastyrylǵan. Bul týraly Ortalyq kommýnıkasııalar qyzmetinde ótken brıfıngte QR Ulttyq ekonomıka vıse-mınıstri Azamat Amrın málimdedi, dep jazady Egemen.kz.
Onyń aıtýynsha, jalpy, 700 myńǵa jýyq salyq tóleýshi 1 trln teńgege memlekettik qoldaý sharalarymen qamtylǵan. Bul salyq tóleýshilerge óz qyzmetin saqtap qalýǵa múmkindik berdi. Ony salyq túsimderinen kórýge bolady.
«О́tken jyly koronovırýs pandemııasyna baılanysty bıznesti salyqtyq qoldaý sharalary qabyldanǵan bolatyn. Osy jyly biz osy baǵytta jáne jalpy salyq salý salasyn jetildirý boıynsha jumystardy jalǵastyrdyq. Byltyr tótenshe jaǵdaı kezinde shaǵyn jáne orta bıznestiń barlyq sýbektileri úshin salyqtar jáne áleýmettik tólemderdi tóleý shegerildi. Ekonomıkanyń eń álsiz sektorlary 2020 jyldyń aıaǵyna deıin múlik salyǵynan bosatyldy. Áleýmettik mańyzy bar azyq-túlik taýarlaryna 2020 jyldyń 1 qazanyna deıin qosylǵan qun salyǵynyń mólsherlemesi 12% dan 8%-ǵa deıin tómendetildi», dedi spıker.
Sonymen qatar, ekonomıkanyń eń kóp zardap shekken 29 sektorynda 2020 jyldyń 1 qazanyna deıin salyqtar jáne áleýmettik tólemderdiń nóldik mólsherlemesi belgilengen.