Qaraǵandy oblysyna jumys sapary aıasynda QR Premer-Mınıstri Asqar Mamın, sondaı-aq álemdegi eń iri avtobýs óndirýshi «Yutong Group» kompanııasynyń basqarma tóraǵasy Tan Iýısıan telekópir rejıminde Saran qalasyndaǵy zaýytta «Yutong» markaly avtobýstar men arnaıy tehnıkany shaǵyn toraptyq óndirý (CKD) jelisiniń ashylýyna qatysty, dep habarlaıdy Egemen.kz QR Premer-Mınıstriniń Baspasóz qyzmetine silteme jasap.
Jobany «QazTehna» JShS elimizdiń avtobýs parkin jańartý baǵdarlamasy aıasynda júzege asyrady. Osy ýaqytqa deıin zaýytta DKD iri torapty ádisimen avtobýstar shyǵaryldy. CKD shaǵyn torapty óndiristik jelisin iske qosý zaýyttaǵy jańa jumys oryndarynyń sanyn 1 myń adamǵa deıin arttyrýǵa múmkindik beredi. Qýattylyǵy jylyna 1200 avtobýs pen 500 birlik arnaıy tehnıkany quraıdy. О́ndiristi jergiliktendirý deńgeıi 50%-dan asady.
Úkimet basshysy «Saran» ındýstrııalyq aımaǵynyń damýymen, onyń ishinde shına óndirý jónindegi jobanyń iske asyrylý barysymen tanysty. Jobany «Tatneft» JAQ qatysýymen «KamaTyresKZ» JShS júzege asyrady. Zaýyttyń qýattylyǵy birinshi kezeńde jyl saıyn 3,5 mln kópbeıindi shınany quraıdy, keıinnen jylyna 9 mln shınaǵa deıin jetkiziledi.
Zaýyt QR avtomobıl óndirisin jergiliktendirý deńgeıin arttyrýǵa jáne shınalardyń ımportyn almastyrýdy qamtamasyz etýge múmkindik beredi. Bul rette ónimniń 40%-yn eksporttaý kózdelgen. Jobany 2022 jyldyń IV toqsanynda iske asyrý josparlanǵan. Joba quny – 125 mlrd tg.
Zaýytta 1100-den astam jańa joǵary bilikti jumys oryndary qurylatyn bolady. Qazirgi tańda kásiporynnyń bolashaq qyzmetkerleri – negizinen Saran qalasynyń turǵyndary qatarynan «Tatneft» JAQ shına kásiporyndarynda taǵylymdamadan ótip jatyr. A. Mamın olarmen telekópir rejıminde áńgimelesti.
Premer-Mınıstrge Saran q. RTB turǵyn shaǵyn aýdanyn qalpyna keltirý jumystarynyń barysy týraly baıandaldy – 2022 jyldyń sońyna qaraı munda kásiporyndar qyzmetkerleri men turǵyn úı alýǵa kezekte turǵan adamdar úshin 510 jaldamaly jáne qyzmettik páterdi paıdalanýǵa berý josparlanyp otyr.
Qaraǵandy qalasynda Úkimet basshysy sanıtarlyq-tehnıkalyq maqsattaǵy ónimder men jylytý aspaptaryn shyǵaratyn «Santehprom» JShS-da boldy. Kásiporyn jyl saıyn 810 myń birlik santehnıkalyq ónim – vannalar, jýǵyshtar, tabandyqtar men radıatorlar shyǵarady. Importty almastyrý aıasynda bolat paneldi radıatorlardy óndirý jelisin jańǵyrtý kózdelgen.
A. Mamın qýattylyǵy jylyna 2 mln tonna kómir konsentratyn quraıtyn «Qaz Carbon» JShS baıytý fabrıkasynyń jumysymen tanysty. Kásiporyn barlyq qajetti ekologııalyq normalarǵa saı keledi.
Qaraǵandy oblysy Buqar Jyraý aýdanynyń Úshtóbe aýylynda Úkimet basshysy «Qaraǵandy-Bekire» JShS-da boldy. Kásiporynnyń jobalyq qýaty – jylyna 5 tonnaǵa deıin ýyldyryq pen 100 tonna taýarly bekire balyǵy eti. 2023 jylǵa deıin shyǵarylatyn ónim kólemin jylyna 20 tonna ýyldyryqqa jáne 300-350 tonna bekire balyǵynyń etine deıin arttyrý josparlanýda.
Úkimet basshysyna balyq pen aýyl sharýashylyǵy malyna arnalǵan túıirshiktelgen baıytylǵan jasyl jemshóp óndirý jáne qaıta óńdeý jónindegi qurama jem zaýyty qurylysynyń ınvestısııalyq jobasy tanystyryldy. Kásiporynnyń qýattylyǵy jylyna 365 myń tonna ónimdi quraıdy. Joba quny – 27 mlrd teńge. Iske asyrý merzimi – 2021-2022 jyldar. 1 myńǵa jýyq jańa jumys orny qurylady.
Premer-Mınıstr Aqsý-Aıýly jáne Gúlshat kentterinde jalpy uzyndyǵy 363 km «Qaraǵandy – Balqash» jáne uzyndyǵy 583 km «Balqash – Býrylbaıtal – Kúrti – Qapshaǵaı» avtomobıl joldaryn rekonstrýksııalaý barysymen tanysty. Úkimet basshysy bıyl atalǵan jobalarda qozǵalystyń ashylýyn qamtamasyz etýdi tapsyrdy.
Jumys saparyna Qaraǵandy oblysynyń ákimi Jeńis Qasymbek, ındýstrııa jáne ınfraqurylymdyq damý mınıstri Beıbit Atamqulov, ekologııa, geologııa jáne tabıǵı resýrstar mınıstri Maǵzum Myrzaǵalıev jáne t. b. qatysty.