Elordada buqaralyq aqparat quraldary arasynda shaǵyn fýtboldan respýblıkalyq jarys ótedi, dep habarlaıdy Egemen.kz.
QR Aqparat jáne qoǵamdyq damý mınıstrliginiń qoldaýymen BAQ qyzmetkerleriniń kásibı merekesi qarsańynda 27 maýsym kúni Nur-Sultan qalasynda ulttyq sport jýrnalıstıkasynyń negizin qalaýshy Seıdahmet Berdiquldyń qurmetine arnalǵan shaǵyn fýtboldan respýblıkalyq týrnır bastalady.
«Ataýly týrnır alǵash jalaýyn kótergen 1994 jyldan beri jyl saıyn uıymdastyrylatyn jáne BAQ ókilderi taǵatsyzdana kútetin dop dodasyna aınalǵan edi. Alaıda, byltyr elde oryn alǵan óte qıyn epıdemıologııalyq ahýalǵa baılanysty ony ótkizý múmkin bolmady.
Sportty janyna serik etken jýrnalıster qaýymy asyǵa kútken aıaq dop jarysyn bıyl qaıta jalǵap otyrmyz. Bundaı is-sharalar otandyq aqparat salasynyń damýyna úles qosqan belgili esimderdi eske alýmen qatar, qoǵamǵa salaýatty ómir saltyn nasıhattaýdyń da aıqyn úlgisi.
Sport – jan men tánniń saýlyǵy, densaýlyqtyń kepili!
Týrnırge qatysýshy barsha komandaǵa nátıjeli de tartysty oıyn, júldeli de jarqyn jeńis tileımin!», dep jazdy QR Aqparat jáne qoǵamdyq damý mınıstri Aıda Balaeva Facebook paraqshasynda.