Qazaqstanda 2019 jyldan bastap Úkimet qaýlysymen 28 maýsym – Buqaralyq aqparat quraldary qyzmetkerleriniń tól merekesi kúni bolyp bekitildi, dep habarlaıdy Egemen.kz.
Áýelde Táýelsiz Qazaqstannyń jýrnalıstıkasy kúni 10 mamyrda atap ótilip keldi. Sebebi 1870 jyly dál osy kúni qazaq tilindegi alǵashqy basylym - «Túrkistan ýálaıaty» gazetiniń alǵashqy sany jaryq kórgen edi. 1997 jyly bul data ózgertilip, jýrnalısterdiń kásibı merekesi BAQ týraly qazaqstandyq alǵashqy zań shyqqan kún 28 maýsymǵa belgilendi. Ol «Baspa jáne ózge de buqaralyq aqparat quraldary týraly» QazKSR Zańy dep ataldy. Sol jyldan bastap tilshiler merekesi maýsymnyń sońǵy jeksenbisinde atap ótilip keldi.
2011 jyldyń qazanynda Qazaqstan Respýblıkasynyń Prezıdenti Nursultan Nazarbaev elimizdegi kásibı jáne basqa da merekeler tiziminiń jańa redaksııasyn maquldady. Oǵan sáıkes, 28 maýsym Baılanys jáne aqparat quraldary qyzmetkerleri kúni bolyp bekitildi. Merekeden tys elimizde tilshiler arasynda jyl saıyn dárejeli baıqaýlar jarııalanyp, tórtinshi bılik el damýyna ózindik úlesin qosyp keledi.