Veloshabandozdar arasyndaǵy eń iri jarys – «Týr de Frans» kópkúndiginiń besinshi kezeńi artta qaldy, dep habarlaıdy Egemen.kz.
«Astana» klýbynyń músheleri arasynda Andreı Lýsenkonyń qarqyny qýantarlyq. Kún ótken saıyn kórsetkishin jaqsartyp kele jatqan ol bul joly 10-oryndy ıelendi. Shanje men Laval qalalary aralyǵyn qamtyǵan 27,2 shaqyrymdyq qashyqtyqta top jarǵan slovenııalyq Tadeı Pogachardan (UAE-Team Emirates) jerlesimiz nebári bir mınýt qana qalyp qoıdy. Jeńimpazdyń ýaqyty – 0:32:00. Osy jyldamdyǵynyń arqasynda Lýsenko jalpy esepte besinshi orynǵa kóterildi.
«Týr de Franstyń» besinshi kezeńinen keıin nıderlandtyq Mate Van der Pýl («Alpecin-Fenix») áli de kósh bastap keledi. Onyń kórsetkishi – 16:51:41. Ekinshi jáne úshinshi oryndarda – slovenııalyq Tadeı Pogachar (UAE-Team Emirates) men belgııalyq Vaýt Van Art (Team Jumbo-Visma).