Elbasy «Qazaqstan» arnasynyń «Nur-Sulan. Qoltańba» derekti fılmine bergen suhbatynda otandyq «QazVas» vaksınasyna qatysty pikir bildirdi, dep habarlaıdy Egemen.kz.
«Qazir bizde medısınalyq-farmasevtıkalyq hab qurý múmkindigi bar. Tek qana ózimizde shyǵarmaı, kórshilerdi de sol dárimen qamtamasyz etýimiz kerek. Búginde jasandy ıntellekt birinshi orynǵa shyǵyp otyr. Almatyda osy baǵyttaǵy ýnıversıtet ashýdy qolǵa alyp jatyrmyn. Onyń deńgeıi Nazarbaev Ýnıversıteti sııaqty bolady», dedi N.Nazarbaev. Elbasy sonymen birge aýyl sharýashylyǵy salasyn damytý týraly aıtty.
«Salanyń úlken bolashaǵy bar. Aýyl sharýashylyǵy baǵytynda óndiristi qolǵa alyp, syrtqa eksporttaý arqyly memleketke qarjy keltirýge bolady. Sondyqtan jastarǵa eń aldymen aıtarym, bilimdi bolý. Qazir ǵylym-bilimniń zamany. Urpaq soǵan qaraı umtylýy kerek, sapaly bilim alýy kerek. Bárine birdeı ýnıversıtet bitirý maqsat emes. Dúnıejúzinde ýnıversıtet bitirgenderdiń úlesi 10 paıyzǵa da jetpeıdi. Eń bastysy, qandaı mamandyq alsa da, sonyń bilgiri bolý», dedi Elbasy «Qazaqstan» arnasyna bergen suhbatynda.