Qazaqstanda 30 jyl burynǵy ystyq kúnder rekordy jańardy. 29 maýsymda eldiń batysynda eń joǵary aýa temperatýrasy tirkeldi, dep habarlaıdy Egemen.kz.
Meteorologtardyń aıtýynsha, jazdyń birinshi aıy qarama-qaıshylyqtarymen tańǵaldyrdy. Aıdyń kóp bóliginde eldiń batysy men ońtústik óńirlerinde sýbtropıkalyq aýa massalarynyń áserinen aptap boldy.
«Keı kúnderi termometr baǵanalary apatty gıdrometeorologııalyq qubylys (AGQ) +40...+46 gradýs ólshemderine jetti, osylaısha eldiń ońtústik-batys jartysyndaǵy birqatar meteostansııada táýliktik rekordtar jańardy: Oral meteostansııasynda 29 maýsymda temperatýra +41,9 gradýsqa jetti, 2015 jyldyń eń joǵary máni +39,8 gradýs bolǵan, Aqqudyq meteostansııasynda 29 maýsymda +44,4 tirkeldi, bul 2018 jyldyń absolıýt maksımýmynan - +43,3-ten asyp tústi, Atyraý meteostansııasynda 28 maýsymda +42,8 gradýs boldy, 2015 jyly rekord +39,8 bolǵan, Qaratóbe meteostansııasynda (Batys Qazaqstan oblysy) 29 maýsymda eń joǵary aýa temperatýrasy +45,5 tirkeldi, bul 1991 jylmen salystyrǵanda joǵary, +41,2 bolǵan», dep habarlady sınoptıkter.