Ekibastuzda naýqasqa nemquraıly qaraǵan qalalyq aýrýhananyń eki medısına qyzmetkeri jazalandy. Aǵa medbıke qyzmetinen shettetilip, sanıtar jumystan shyǵaryldy, dep habarlaıdy Egemen.kz Pavlodarnews.kz saıtyna silteme jasap.
Ekibastuzdyń 85 jastaǵy turǵynynyń týystary qalalyq aýrýhana dárigerleriniń nemquraılylyǵyna shaǵymdandy.
Bul týraly olar áleýmettik jelilerde jarııalaǵan. Egde jastaǵy áıel pnevmonııaǵa shaldyqqan. Rentgen jáne test nátıjeleri bul dıagnozdy rastady. Zeınetker em-dom alǵan. Keıin stasıonardan shyǵaryldy. Másele osy jerde ýshyqqan sekildi.
- Ony aýrýhanadan shyǵaryp, kirpishke otyrǵyzyp, ketip qaldy. Bir áıel ótip bara jatyp, ájeni taksıge otyrǵyzyp, úıge jibergen. Nege týǵan-týystaryna qońyraý shalmadyńyz? Balalarynyń nómirin bildińder ǵoı, - deıdi zeınetkerdiń týystary.
Ekibastuz qalalyq aýrýhanasynda qyzmettik tekserý júrgizildi. Qorytyndy boıynsha bólimniń aǵa medbıkesin qyzmetinen alyp tastaý jáne sanıtardy jumystan shyǵarý týraly sheshim qabyldandy.