Qazaqstanda túrik merdigerleri alǵan jobalardyń jalpy quny jyldyń birinshi jartysynda 674 mıllıon dollarǵa jetti, dep habarlaıdy Egemen.kz.
Túrkııanyń merdigerler odaǵynyń 2021 jylǵy shildedegi qurylys sektoryn taldaý jónindegi esebine engizilgen Túrkııanyń saýda mınıstrliginiń derekterine sáıkes, birinshi jartyjyldyqta túrik merdigerleri 33 elde 6,5 mıllıard dollarǵa 100 jobany iske asyrǵan.
Túrik merdigerleri úshin osy jyldyń birinshi jartysynda 1,3 mıllıard dollarlyq jobany senip tapsyrǵan eń úlken naryq - Zambııa. Sodan keıin Slovenııa - 748 mıllıon dollarlyq joba. Qazaqstan 674 mıllıon dollarmen úshinshi orynda tur.
Jobalardyń quny boıynsha alǵashqy bestikke 543 mıllıon dollarmen Ázerbaıjan men 405 mıllıon dollarmen Reseı kirdi.
Túrkııanyń merdigerler odaǵy aldaǵy jyldary sheteldegi jobalar qunyn 20 mıllıard dollarǵa jetkizýdi maqsat etip otyr.