Memlekettik bilim grantyn taǵaıyndaý konkýrsyna qatysý úshin qujat tapsyrý kezinde talapkerlerden densaýlyq jaǵdaıy týraly anyqtama talap etilmeıdi, dep jazady Egemen.kz QR Bilim jáne ǵylym mınıstrliginiń saıtyna silteme jasap,
16 shilde kúni elimizde memlekettik bilim grantyn taǵaıyndaý konkýrsyna qatysý úshin qujattardy qabyldaý bastalady. Qabyldaý onlaın formatta «Elektrondy úkimet portalynda» júzege asyrylady.
«Qazir medısınalyq anyqtama alýǵa nıet bildirýshiler sanynyń artýyna baılanysty, bilim grantyn taǵaıyndaý konkýrsyna qatysý úshin qujattardy tapsyrý kezinde talapkerlerden densaýlyq jaǵdaıy týraly anyqtama talap etilmeıtinin esterińizge salamyz. Medısınalyq anyqtama tamyz aıynda ýnıversıtetke qabyldaý kezinde ǵana qajet. Iаǵnı, bolashaq stýdentterdiń densaýlyq jaǵdaıy týraly anyqtama alýyna áli ýaqyt bar. Pandemııa kezinde ózińizdi jáne densaýlyǵyńyzdy qorǵaý óte mańyzdy», dep jazylǵan habarlamada.