20 shilde – Qurban aıt merekesine oraı qazaqstandyqtar úshin demalys. Soǵan baılanysty Nur-Sultanda bazar, dámhana, SOO jáne qoǵamdyq kólik jumysynda qandaı shekteýler bolatyny aıtyldy, dep habarlaıdy Egemen.kz.
Qalanyń bas sanıtarııa dárigeri Sarhat Beısenovanyń qaýlysyna sáıkes, qalalyq avtobýstar shtattyq rejımde jumys isteıdi. Bul ýaqytta avtobýstar sany artyp, sońǵy aıaldamada salon óńdelip, barlyq esigin ashyp jeldetý jumystary júrgiziledi.
SOO, saýda úıleri men saýda ortalyqtaryna saǵat 10.00-den 17.00-ge deıin jumys isteýge ruqsat berilgen. Bul rette nysandaǵy qoǵamdyq tamaqtaný oryndary Ashyq boıynsha 20.00-ge deıin jumys isteıdi. Alaıda bul nysandarda shekteýler qoldanylady. О́ıtkeni qaýlyda 4 sharshy metrge bir kelýshi bolýyn saqtaýdy talap etedi.
Dámhanalar men meıramhanalarda, onyń ishinde jazǵy alańdar 30 orynǵa deıin kelýshini qabyldaı alady. Mekemelerge 7.00-den 17.00-ge deıin, Ashyq-pen 20.00-ge deıin jumys isteýge ruqsat berilgen.
Ashana ornalasqan jerine qaramastan 30 oryndyqqa deıin kelýshini qabyldap, 7.00-den 21.00-ge deıin jumys isteı alady.
Kóshe saýda nysandary, strıtfýdtar, balmuzdaq satatyn dúkender, kókónis shatyrlary jáne basqalary, sondaı-aq gúl dúkenderi qalypty rejımde jumys isteı alady.
Jabyq azyq-túlik jáne azyq-túlik emes bazarlar bir kelýshige tórt sharshy metrdi saqtaı otyryp, saǵat 10.00-den 17.00-ge deıin jumys isteı alady. Ashyq aýadaǵy azyq-túlik bazarlary shtattyq rejımde, azyq-túlik emes bazarlar da saǵat 10.00-den 17.00-ge deıin jumys isteı alady.
Azyq-túlik dúkenderi, shaǵyn-marketter, sýpermarketter, gıpermarketter ornalasqan jerine qaramastan, bir satyp alýshyǵa tórt sharshy metr tolymdylyǵyn saqtaı otyryp, shtattyq rejımde jumys isteıdi.
Azyq-túlik emes taýarlardy satatyn dúkender bir satyp alýshyǵa 4 sharshy metr esebinen jobalyq qýattyń 30 paıyzynan aspaıtyn tolymdylyǵyn saqtaı otyryp, 09.00-den 17.00-ge deıin jumys isteıdi.
Bul rette qalada Qurban aıt merekesine arnalǵan buqaralyq is-sharalardy, sonyń ishinde úıde ótkizýge jáne qatysýǵa tyıym salynady. Ujymdyq namazǵa tyıym salynady.
Qala turǵyndary qurbandyq shalý rásimin qurban2021.kz saıty arqyly onlaın baqylaı alady. Qurbandyqtar adamdardyń jappaı jınalýyn boldyrmaı, arnaıy bólingen soıý pýnktterinde júrgiziledi